ஆப்பிள் நிறுவனம் ஐபோன் 16 சீரிஸ் அறிமுகப்பட்டுத்திய பிறகு, சில மணிநேரங்களில் ஹூவாய் நிறுவனம் உலகின் முதல் மூன்றாக மடிக்கக்கூடிய ஹூவாய் Mate XT ஸ்மார்ட்போனை அறிமுகம் செய்துள்ளது.
Mate XT ஸ்மார்ட்போனின் திரையை முழுமையாக விரித்தால் 10.2 அங்குலம் கொண்ட பெரிய திரையாக மாறுவது இதன் சிறப்பு அம்சமாக இருக்கின்றது. மேலும், திரையை ஒருமுறை மடித்தால், 7.9 அங்குல திரையாக மாறும். இரண்டாம் முறை மடிக்கும் போது 6.4 அங்குல திரையுடன் நாம் சாதரணமாக பயன்படுத்தும் ஸ்மார்ட்போன் போல மாறிவிடும் என்பது சிறப்பம்சமாக உள்ளது.
இந்த ஸ்மார்ட்போனில் இரண்டு சிம்கள் பயன்படுத்தி கொள்ளும் வசதி கொடுக்கப்பட்டுள்ளது. சேமிப்பு திறனை பொறுத்தவரை 256 GB, 512 GB மற்றும் 1TB என 3 வகைகளில் கிடைக்கும் என்று ஹூவாய் நிறுவனம் அறிவித்துள்ளது.
optical image stabilisation உடன் 50 மெகா பிக்சல் கேமரா, 12 மெகா பிக்சல் உடன் ultrawide கேமரா, 12 மெகா பிக்சல் பெரிஸ்கோப் டெலிபோட்டோ கேமராவையும் கொண்டுள்ளது. மேலும், வீடியோ கால் வசதிக்காக திரையின் முன்பகுதியில் 8 மெகா பிக்சல் கேமரா பொருத்தப்பட்டுள்ளது.
மூன்றாக மடக்கக்கூடிய Mate XT ஸ்மார்ட்போன் சீனாவில் செப்டம்பர் 20 ஆம் தேதி விற்பனைக்கு வரவுள்ளது. இந்தியாவில் இதன் ஆரம்பவிலை தோராயமாக ரூ.2,35,500 ஆக நிர்ணயம் செய்யப்பட்டுள்ளது. இந்த மாடல் சந்தையில் பெரும் எதிர்பார்ப்பை ஏற்படுத்தியுள்ளது.