பிரபல ஆஸ்திரேலிய கிரிக்கெட் வீரர் மேக்ஸ்வேல் இந்திய வம்சாவளியைச் சேர்ந்த வினி ராமனை திருமணம் செய்யும் தகவல் வெளியானது முதல் வேகமாக வைரலானது. கடந்த மாதம் வெளியான இவர்களுடைய நிச்சயதார்த்த படம் வேகமாக வைரலானது. அதனை அடுத்து திருமணம் நடைபெற்றது.
இந்நிலையில், 2022 ஐபிஎல் தொடரில் ராயல் சாலஞ்சர்ஸ் பெங்களூரு அணிக்காக விளையாடி வரும் மேக்ஸ்வெலுக்கு அந்த அணி நிர்வாகம் சார்பில் திருமண வரவேற்பு சிறப்பு நிகழ்ச்சி நடத்தப்பட்டது. மும்பையில் பயோ பபிள் முறையில் நடைபெற்ற இந்த நிகழ்ச்சியில் பெங்களூரு அணி வீரர்கள் கலந்து கொண்டு வாழ்த்துகள் தெரிவித்தனர்.
இந்த நிகழ்ச்சியில் கலந்து கொண்ட விராட் கோலி, புஷ்பா படத்தில் வரும் “ஊ சொல்றியா” பாடலுக்கு நடனமாடி அசத்தி இருக்கிறார். இந்த வீடியோ வைரலாகி வருகிறது. ஜாலியாக நடனமாடும் கோலி, விரைவில் ஐபிஎல் தொடரில் அதிரடி ஆட்டத்தை வெளிப்படுத்துவார் என ரசிகர்கள் எதிர்ப்பார்த்து உள்ளனர்.
வீடியோவை காண:
நிகழ்ச்சியில் கலந்து கொண்ட அனுஷ்கா ஷர்மா, தனது பதிவில், கொரோனா பபுள் ஸ்பேசில் திருமண நிகழ்வில் கலந்து கொண்டேன். இந்த கொரோனா காலத்தில் பபுள் லைஃபில் நான் முடிந்தவரை எல்லா திருமண நிகழ்வுகளிலும் பங்கேற்று கொண்டாடி விட்டேன் என்று நினைக்கிறேன் என்று தெரிவித்திருந்தார். மேலும், கோலியுடன் எடுத்து கொண்ட புகைப்படத்தையும் பகிர்ந்திருக்கிறார்.
இதுவரை, 9 போட்டிகளில் விளையாடி இருக்கும் பெங்களுரூ அணி 5 போட்டிகளில் வெற்றியையும், 4 போட்டிகளில் தோல்வியையு சந்தித்திருக்கிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்