ஐ.பி.எல் 2024:
சர்வதேச அளவில் எத்தனையோ லீக் போட்டிகள் நடத்தப்பட்டாலும் இந்தியாவில் நடத்தப்படும் ஐ.பி.எல். லீக் போட்டிகளே மிகவும் பிரபலமானது. அந்த அளவிற்கு ஐ.பி.எல் போட்டிகளில் சுவரஸ்யமான பல சம்பவங்கள் நடைபெறுவது வழக்கம். அதன்படி, கடந்த 2008 ஆம் ஆண்டு அறிமுகம் செய்யப்பட்ட ஐ.பி.எல் தொடரில் இதுவரையில் மொத்தம் 16 சீசன்கள் நடந்து முடிந்துள்ளது. அந்த வகையில் இந்த ஆண்டு 17-வது சீசன் தொடங்க இருக்கிறது. அதன்படி, மார்ச் 22 ஆம் தேதி நடைபெற உள்ள முதல் போட்டியில் சி.எஸ்.கே மற்றும் ஆர்.சி.பி அணிகள் மோத உள்ளன. இந்த போட்டிகள் சென்னை சேப்பாக்கம் மைதானத்தில் நடைபெற உள்ளது.
முதல் போட்டியே சென்னை சூப்பர் கிங்ஸ் அணியும் பெங்களூரு ராயல் சேலஞ்சர்ஸ் அணியும் விளையாட இருப்பது ரசிகர்களிடம் மிகுந்த எதிர்பார்ப்பை ஏற்படுத்தியிருக்கிறது. அதற்கான முக்கிய காரணம் சென்னை சூப்பர் கிங்ஸ் அணிக்கும், ராயல் சேலஞ்சர்ஸ் பெங்களூரு அணிக்கும் தனி ரசிகர்கள் பட்டாளம் இருப்பது தான். அதேபோல், சி.எஸ்.கே கேப்டன் தோனிக்கும், ஆர்.சி.பி வீரர் விராட் கோலிக்கும் தனி ரசிகர்கள் பட்டாளம் இருக்கிறது. இதனால் தான் முதல் போட்டியையே எந்த அணி வெற்றியுடன் தொடங்கும் என்ற எதிர்பார்ப்பு எகிறியுள்ளது. இதனிடைய ரசிகர்களை உற்சாகப்படுத்தும் நோக்கில் சி.எஸ்.கே அணி தங்களது சமூக வலைதளத்தில் தோனி தொடர்பான புகைப்படங்கள் மற்றும் வீடியோக்களை வெளியிட்டு வருகிறது.
ஆர்.சி.பி-யில் 16 வருடங்கள்:
இந்நிலையில் தான் ராயல் சேலஞ்சர்ஸ் பெங்களூரு அணி விராட் கோலி ஐ.பி.எல் தொடரில் 16 வருடங்களை நிறைவு செய்ததை கொண்டாடும் விதமாக வீடியோ ஒன்றை வெளியிட்டுள்ளது. அதன்படி, கடந்த 16 ஆண்டுகளாக ஒரே அணியில் விளையாடி வரும் விராட் கோலியை ரசிகர்கள் பாராட்டி வருகின்றனர்.
அதேபோல், ஐ.பி.எல் தொடரில் ஒரு முறை கூட கோப்பையை வெல்லாதது தான் ஆர்.சி.பி ரசிகர்களுக்கு ஒரு வருத்தம். இந்த முறையாவது கோப்பையை ஆர்.சி.பி வென்று வரலாறு படைக்க வேண்டும் என்பதும் ரசிகர்களின் விருப்பமாக இருக்கிறது. என்ன நடக்கும் என்பதை பொறுத்திருந்து தான் பார்க்க வேண்டும்.
மேலும் படிக்க: Virat Kohli IPL Record: IPL-ல் ஒரு சீரிஸில் அதிக ரன்களை விளாசிய வீரர்! விராட் கோலியின் சாதனை!
மேலும் படிக்க: Watch Video: என்ன ஹீரோயிசமா? சர்பராஸ் கானை கண்டித்த ரோகித் சர்மா - நடந்தது இதுதான்!