PBKS vs SRH LIVE :ஜேசன் ஹோல்டர் போராட்டம் வீண்...! 5 ரன்கள் வித்தியாசத்தில் வென்றது பஞ்சாப்...!
பஞ்சாப் அணிக்கு எதிரான ஆட்டத்தில் ஹைதராபாத் அணி டாஸ் வென்றுள்ளது. அந்த அணி பஞ்சாப் அணியை முதலில் பேட் செய்யுமாறு அழைத்துள்ளது.
ஹைதராபாத் அணிக்கு எதிராக கடைசி கட்டத்தில் விறுவிறுப்பாக சென்ற ஆட்டத்தில் பஞ்சாப் அணி 5 ரன்கள் வித்தியாசத்தில் வெற்றி பெற்றது. ஜேசன் ஹோல்டர் 5 சிக்ஸர்களுடன் 47 ரன்களை குவித்தது வீணாகியுள்ளது.
ஹோல்டரின் அதிரடியான ஆட்டத்தில் ஹைதராபாத் அணி 12 பந்தில் 21 ரன்கள் எடுத்தால் வெற்றி என்ற நிலையில் உள்ளது. ஹோல்டரை அவுட்டாக்கினால் வெற்றி என்ற நிலையில் பஞ்சாப் உள்ளது. இதனால், ஆட்டத்தில் பரபரப்பு ஏற்பட்டுள்ளது.
பஞ்சாப் அணியின் கை ஓங்கியிருந்த சூழலில், 16வது ஓவரில் ஜேசன் ஹோல்டர் இரண்டு சிக்ஸர்களை பறக்கவிட்டதால் அந்த ஓவரில் மட்டும் 16 ரன்களை ஹைதராபாத் குவித்தது.
பஞ்சாப் அணிக்கு எதிராக 126 ரன்கள் என்ற இலக்குடன் ஆடிவரும் ஹைதராபாத் அணி 30 பந்தில் 51 ரன்கள் எடுத்தால் வெற்றி என்ற நிலையில் உள்ளது.
ஹைதராபாத் அணியின் பேட்டிங்கை நிலைகுலையச் செய்யும் வகையில் பஞ்சாப் வீரர்கள் பந்துவீசி வரும் நிலையில், அந்த அணியின் பந்துவீச்சாளர் ரவிபிஷ்னோய் தான் வீசிய 12வது ஓவரில் கேதர் ஜாதவையும், அந்த ஓவரின் கடைசி பந்தில் அப்துல் சமத்தையும் ஆட்டமிழக்க செய்தார்.
ஹைதராபாத் அணியை விருத்திமான் சஹாவுடன் இணைந்து மீட்டுக்கொண்டிருந்த கேதர் ஜாதவ் 12 பந்தில் 12 ரன்கள் எடுத்த நிலையில் ஆட்டமிழந்தார்.
பஞ்சாப் அணி பந்துவீச்சால் ஹைதராபாத் வீரர்கள் அடுத்தடுத்து ஆட்டமிழந்ததால் அந்த அணி 10 ஓவர்கள் முடிவில் 3 விக்கெட் இழப்பிற்கு 43 ரன்களை எடுத்திருந்தது. அந்த அணியின் வெற்றிக்கு தற்போது வரை 57 பந்துகளில் 81 ரன்கள் தேவைப்படுகிறது.
ஹைதரபாத் அணியின் முன்னாள் கேப்டன் டேவிட் வார்னரும், இந்நாள் கேப்டன் வில்லியம்சனும் வெளியேறிய பிறகு களமிறங்கிய ஹைதராபாத்தின் நட்சத்திர வீரர் மணீஷ்பாண்டே சிறப்பான ஆட்டத்தை வெளிப்படுத்துவார் என்று எதிர்பார்த்த நிலையில், நிதான ஆட்டத்தை வெளிப்படுத்தினார். ஆனால், அவர் 23 பந்துகளில் 1 பவுண்டரியுடன் 13 ரன்கள் மட்டுமே எடுத்து ஆட்டமிழந்தார். ஹைதராபாத் அணி 8.1 ஓவர்களில் 33 ரன்களுக்கு 3 விக்கெட்டுகளை இழந்து தடுமாறி வருகிறது.
ஹைதராபாத் அணியின் முன்னாள் கேப்டன் டேவிட் வார்னர் 2 ரன்னில் வெளியேறியதும் களமிறங்கிய கேப்டன் வில்லியம்சன் முகமது ஷமியின் பந்துவீச்சில் போல்டாகி வெளியேறினார். இதனால், 10 ரன்களுக்கு 2 விக்கெட்டுகளை இழந்து தடுமாறுகிறது.
ஹைதராபாத் அணியின் முன்னாள் கேப்டன் டேவிட் வார்னர் வந்த வேகத்தில் முகமது ஷமியின் முதல் ஓவரிலே 2 ரன்கள் எடுத்த நிலையில், கே.எல்.ராகுலிடம் கேட்ச் கொடுத்து ஆட்டமிழந்தார்.
பஞ்சாப் அணி நிர்ணயித்த 126 ரன்கள் இலக்கை நோக்கி ஹைதராபாத் அணியின் தொடக்க வீரர்கள் டேவிட் வார்னரும், விருத்திமான் சஹாவும் களமிறங்கியுள்ளனர்.
பஞ்சாப் அணி 20 ஓவர்கள் முடிவில் 7 விக்கெட் இழப்பிற்கு 125 ரன்களை எடுத்தது. இதனால், ஹைதராபாத் அணிக்கு 126 ரன்கள் இலக்காக நிர்ணயிக்கப்பட்டுள்ளது.
பஞ்சாப் அணி அடுத்தடுத்து விக்கெட்டுகளை இழந்தாலும் 17 ஓவர்களில் போராடி 100 ரன்களை கடந்தது. தற்போது வரை 6 விக்கெட் இழப்பிற்கு 101 ரன்களை எடுத்துள்ளது. ஜேசன் ஹோல்டர் தனது மூன்றாவது விக்கெட்டை கைப்பற்றினார்.
பஞ்சாப் அணியின் முன்னணி வீரர்கள் அடுத்தடுத்து ஆட்டமிழந்தாலும், நம்பிக்கை அளிக்கும் விதமாக ஆடி வந்த எய்டன் மார்க்ரம் 32 பந்தில் 2 பவுண்டரியுடன் 27 ரன்கள் எடுத்திருந்த நிலையில், அப்துல் சமத் பந்துவீச்சில் மணீஷ்பாண்டேவிடம் கேட்ச் கொடுத்து ஆட்டமிழந்தார். சற்றுமுன்வரை 15 ஓவர்களில் 93 ரன்கள் எடுத்து பஞ்சாப் ஆடி வருகிறது.
பஞ்சாப் அணியின் விக்கெட்டுகள் சீட்டுக்கட்டுகள் போல சரிந்த நிலையில், ஹைதராபாத் பந்துவீச்சாளர் சந்தீப்சர்மா மிகவும் கட்டுக்கோப்பாக பந்துவீசினார். அவர் 4 ஓவர்களில் 20 ரன்கள் மட்டுமே விட்டுக்கொடுத்து 1 விக்கெட்டையும் கைப்பற்றினார்.
கிறிஸ் கெயில் ஆட்டமிழந்த பிறகு களமிறங்கிய அதிரடி வீரர் நிகோலஸ் பூரன் சந்தீப்சர்மா பந்துவீச்சில் 8 ரன்கள் எடுத்திருந்த நிலையில் அவரிடமே கேட்ச் கொடுத்து ஆட்டமிழந்தார். இதனால், பஞ்சாப் அணி 66 ரன்களுக்கு 4 விக்கெட்டுகளை இழந்து தடுமாறி வருகிறது.
பஞ்சாப் அணியின் ஆபத்தான வீரராக கருதப்பட்ட கிறிஸ் கெயிலை, உலகின் தலைசிறந்த சுழற்பந்து வீச்சாளரான ரஷீத்கான் எல்.பி.டபுள்யூ முறையில் வெளியேற்றினார். கிறிஸ் கெயில் 17 பந்தில் 14 ரன்களுக்கு வெளியேறினார். பஞ்சாப் அணி 58 ரன்களுக்கு 3 விக்கெட்டுகளை இழந்து தடுமாறி வருகிறது.
பஞ்சாப் அணியின் தொடக்க வீரர்கள் அடுத்தடுத்து ஆட்டமிழந்தாலும், கிறிஸ் கெயிலும், மார்க்ரமும் மூன்றாவது விக்கெட்டிற்கு நிதானமாக ஆடுவதால், அந்த அணி 9.3 ஓவர்களில் 52 ரன்களை எடுத்துள்ளது. கெயில் 12 ரன்களுடன், மார்க்ரம் 13 ரன்களுடனும் களத்தில் உள்ளனர்.
பஞ்சாப் கேப்டன் கே.எல்.ராகுலும், மயங்க் அகர்வாலும் ஒரே ஓவரில் ஆட்டமிழந்ததால் கிறிஸ் கெயிலும், மார்க்ரமும் நிதானமாக ஆடி வருகின்றனர். இதனால், பஞ்சாப் அணி 8 ஓவர்கள் முடிவில் 39 ரன்களை எடுத்துள்ளது.
ஹைதராபாத் அணிக்கு எதிராக 6 ஓவர்கள் முடிவில் பஞ்சாப் அணி 2 விக்கெட் இழப்பிற்கு 29 ரன்களை சேர்த்துள்ளது.
ஹைதராபாத் அணிக்கு எதிராக 6 ஓவர்கள் முடிவில் பஞ்சாப் அணி 2 விக்கெட் இழப்பிற்கு 29 ரன்களை சேர்த்துள்ளது.
பஞ்சாப் கேப்டன் கே.எல்.ராகுல் ஆட்டமிழந்த சிறிது நேரத்தில், ஜேசன் ஹோல்டர் வீசிய அதே ஓவரில் மற்றொரு தொடக்க வீரரான மயங்க் அகர்வால் 5 ரன்கள் எடுத்த நிலையில் கேப்டன் வில்லியம்சனிடம் கேட்ச் கொடுத்து ஆட்டமிழந்தார்.
பஞ்சாப் அணியின் ஆட்டத்தை நிதானமாக தொடங்கிய அந்த அணி கேப்டன் கே.எல்.ராகுல் 21 பந்தில் 21 ரன்களை எடுத்த நிலையில், ஜேசன் ஹோல்டர் பந்துவீச்சில் ஆட்டமிழந்தார். இதையடுத்து, ஐ.பி.எல்.லின் அதிரடி மன்னன் கிறிஸ் கெயில் களமிறங்கியுள்ளார்.
ஹைதராபாத் அணியுடன் ஷார்ஜாவில் நடைபெற்று வரும் போட்டியில் பஞ்சாப் அணி 3 ஓவர்கள் முடிவில் விக்கெட் இழப்பின்றி 19 ரன்களை எடுத்துள்ளது. கேப்டன் ராகுல் 14 ரன்களும், மயங்க் அகர்வால் 5 ரன்களையும் எடுத்துள்ளனர்.
Background
ஷார்ஜாவில் நடைபெறும் 37வது ஐ.பி.எல். ஆட்டத்தில் டாஸ் வென்ற ஹைதராபாத் அணி பஞ்சாப் அணியை பேட் செய்ய அழைத்துள்ளது.
- - - - - - - - - Advertisement - - - - - - - - -