கிரிக்கெட் ரசிகர்களால் மிகவும் எதிர்பார்க்கப்பட்ட ஐபிஎல் 2024ல் விரைவில் தொடங்க இருப்பதால் உற்சாகமாக உள்ளனர். போட்டியின் முதல் போட்டி மார்ச் 22 ஆம் தேதி சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூர் அணிகளுக்கு இடையே எம்.ஏ சிதம்பரம் மைதானத்தில் நடைபெறவுள்ளது. இதுபோன்ற சூழ்நிலையில், ஒவ்வொரு கிரிக்கெட் ரசிகரும் ஏதாவது ஒரு போட்டியை மைதானத்தில் அமர்ந்து ரசிக்க ஆவலுடன் காத்திருக்கின்றன. அந்த ரசிகர்களுக்காக டிக்கெட் தொடர்பான பெரிய அப்டேட்கள் தற்போது வெளியாகி உள்ளது. சமீபத்திய அப்டேட்டின்படி, ஐபிஎல் 2024 டிக்கெட் விற்பனை மார்ச் 18 முதல் தொடங்கும் என தெரிவிக்கப்பட்டுள்ளது. 


ஐபிஎல் 2024 டிக்கெட்டின் விலை எவ்வளவு தெரியுமா?


ஐபிஎல் 2024ன் முதல் ஆட்டம் நடப்பு சாம்பியனான சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூர் அணிகளுக்கு இடையே மார்ச் 22 அன்று நடைபெறவுள்ளது. இந்தப் போட்டி சென்னையில் உள்ள எம்.ஏ.சிதம்பரம் (சேப்பாக்கம்) ஸ்டேடியத்தில் நடைபெறுகிறது. இதற்கான டிக்கெட் விற்பனை மார்ச் 18 முதல் தொடங்கும் என தெரிவிக்கப்பட்டுள்ளது. சென்னை சூப்பர் கிங்ஸ் vs ராயல் சேலஞ்சர்ஸ் போட்டிக்கான டிக்கெட்டுகள் ரூ.1700 முதல் தொடங்குகிறது. அதனை தொடர்ந்து, ரூ.4000, 4500, 7500 உள்ளிட்ட விலைகளில் டிக்கெட்டுகள் விற்பனை செய்யப்பட இருக்கிறது. எனவே, ரசிகர்கள் போட்டியை காண நாளை முதல் டிக்கெட்டை வாங்கி தயாராக இருங்கள். 


போட்டியை எங்கே காண்பது..? 


ஐபிஎல் 2024 மார்ச் 22 முதல் தொடங்க உள்ளது நாம் அனைவரும் அறிந்ததே. இந்தமுறை ஸ்டார் ஸ்போர்ட்ஸில் போட்டியின் அனைத்து போட்டிகளையும் நீங்கள் கண்டுகளிக்கலாம். அதனை தொடர்ந்து, உங்கள் மொபைலில் பார்க்க விரும்பினால் ஜியோ சினிமா செயலியில் பார்க்கலாம். ஏறக்குறைய இரண்டு மாதங்கள் நீடிக்கும் கிரிக்கெட் திருவிழாவில் மீண்டும் 10 அணிகள் சாம்பியன் பட்டத்தை வெல்ல போராடும். 


இந்தியன் பிரீமியர் லீக்கில் இதுவரை ராயல் சேலஞ்சர்ஸ் பெங்களூர் மற்றும் சென்னை சூப்பர் கிங்ஸ் அணிகளுக்கு இடையே மொத்தம் 31 போட்டிகள் நடந்துள்ளன. இந்த காலகட்டத்தில், சிஎஸ்கே 20 போட்டிகளிலும், ஆர்சிபி 10 போட்டிகளிலும் வெற்றி பெற்றுள்ளன. ஒரு போட்டி முடிவு இல்லாமல் போனது. இப்படிப்பட்ட சூழ்நிலையில், சென்னை சூப்பர் கிங்ஸ் vs ராயல் சேலஞ்சர்ஸ் பெங்களூரு போட்டியில் தோனி தலைமையிலான சென்னை சூப்பர் கிங்ஸ் அணியே முன்னிலையில் உள்ளது. நடப்பு சாம்பியனான சென்னை அணி போட்டியை வெற்றியுடன் தொடங்க விரும்புகிறது.