IPL 2024 Points Table: ஐபிஎல் புள்ளிப்பட்டியலில் ராஜஸ்தான் ராயல்ஸ் அணி தொடர்ந்து முதலிடத்தை தக்க வைத்துக் கொண்டுள்ளது.
ஐபிஎல் புள்ளிப்பட்டியல் விவரம்:
நடப்பாண்டிற்கான ஐபிஎல் தொடர் தொடங்கி கோலாகளமாக நடைபெற்று வருகிறது, தற்போது வரை 21 போட்டிகள் நடந்து முடிந்துள்ளன. வார இறுதியான நேற்று இரண்டு போட்டிகள் நடைபெற்றன. அதன்படி, டெல்லி அணிக்கு எதிரான போட்டியில் மும்ப அணி 29 ரன்கள் வித்தியாசத்தில் அபார வெற்றி பெற்றது. நடப்பு தொடரில் அந்த அணி பெற்ற முதல் வெற்றி இதுவாகும். இரண்டாவது போட்டியில் குஜராத் அணியை லக்னோ 33 ரன்கள் வித்தியாசத்தில் வீழ்த்தியது. இதன் மூலம் புள்ளிப்பட்டியலில் ஏற்பட்டுள்ள மாற்றங்கள் என்ன என்பது கீழே அட்டவணையில் விவரிக்கப்பட்டுள்ளது..
| எண் | அணி | போட்டிகள் | வெற்றி | தோல்வி | புள்ளிகள் |
| 1 | ராஜஸ்தான் ராயல்ஸ் | 4 | 4 | 0 | 8 |
| கொல்கத்தா நைட் ரைடர்ஸ் | 3 | 3 | 0 | 6 | |
| 3 | லக்னோ சூப்பர் ஜெயண்ட்ஸ் | 4 | 3 | 1 | 6 |
| 4 | சென்ன சூப்பர் கிங்ஸ் | 4 | 2 | 2 | 4 |
| 5 | சன்ரைசர்ஸ் ஐதராபாத் | 4 | 2 | 2 | 4 |
| 6 | பஞ்சாப் கிங்ஸ் | 4 | 2 | 2 | 4 |
| 7 | குஜராத் டைட்டன்ஸ் | 5 | 2 | 3 | 4 |
| 8 | மும்ப இந்தியன்ஸ் | 4 | 1 | 3 | 2 |
| 9 | ராயல் சேலஞ்சர்ஸ் பெங்களூர் | 5 | 1 | 4 | 2 |
| 10 | டெல்லி கேபிடல்ஸ் | 5 | 1 | 4 | 2 |
இன்றைய போட்டி:
இன்று நடைபெறும் தொடரின் 22வது லீக் போட்டியில் சென்னை மற்றும் கொல்கத்தா அணிகள் மோத உள்ளன. இதில் புள்ளிப்பட்டியலில் 2வது இடத்தில் உள்ள கொல்கத்தா அணி வெற்றி பெற்றால் புள்ளிப்பட்டியலில், முதல் இடத்திற்கு முன்னேறக்கூடும். ஒருவேளை 4வது இடத்தில் உள்ள சென்னை அணி வெற்றி பெற்றால், புள்ளிப்பட்டியலில் 3வது இடம் வரை முன்னேறக்கூடும். தொடர்ந்து இரண்டு போட்டிகளில் தோல்வியை சந்தித்த சென்னை அணி, இன்றைய போட்டி மூலம் வெற்றிப் பாதைக்கு திரும்புமா? என ரசிகர்கள் எதிர்பார்க்கின்றனர். ஐபில் போட்டிகளின் நேரலையை தொலைக்காட்சியில் ஸ்டார் ஸ்போர்ட்ஸ் அலைவரிசையிலும், ஒடிடியில் ஜியோ சினிமா செயலியிலும் ரசிகர்கள் கண்டுகளிக்கலாம்.
பிளே-ஆஃப் சுற்று:
தொடரில் பங்கேற்றுள்ள 10 அணிகளும் லீக் சுற்றில் தலா 14 போட்டிகளில் விளையாடும். அதன் முடிவில் புள்ளிப்பட்டியலில் முதல் நான்கு இடங்களை பிடிக்கும் அணிகள் பிளே-ஆஃப் சுற்றுக்கு தகுதி பெறும். புள்ளிகள் சமநிலையை அடைந்தால் ரந்ரேட் அடிப்படையில் அணிகள் பட்டியலிடப்படும். இதன் காரணமாக மிக மோசமான தோல்விகளை தவிர்க்கவும், பெரும் ரன்கள் வித்தியாசத்தில் வெற்றி பெறவும் ஒவ்வொரு அணியும் ஆர்வம் காட்டுகிறது. அதில் முதல் இரண்டு இடங்களை பிடிக்கும் அணிகள் முதல் தகுதிச்சுற்று போட்டியில் விளையாடும். வெற்றி பெறும் அணி இறுதிப்போட்டிக்கு தகுதிபெறும். புள்ளிப்பட்டியலில் 3 மற்றும் நான்காவது இடங்களை பிடிக்கும் அணிகள் முதல் எலிமினேட்டரில் விளையாடும். அதில் வெற்றி பெறும் அணி இரண்டாவது தகுதிச்சுற்று போட்டிக்கு முன்னேறும். அந்த அணியும், முதல் தகுதிச்சுற்று போட்டியில் தோல்வியுற்ற அணியும் மோதும். அதில் வெற்றி பெறும் அணி இறுதிப்போட்டிக்கு தகுதி பெறும்.