ஐபிஎல் திருவிழா நிறைவு கட்டத்தை நெருங்கி விட்டது. கடந்த மார்ச் 31 ஆம் தேதி தொடங்கிய ஐபிஎல் லீக் போட்டிகளில் இதுவரை 67 போட்டிகள் நடைபெற்று முடிந்துள்ளது. 10 அணிகளில் குஜராத் டைட்டன்ஸ், சென்னை சூப்பர் கிங்ஸ் அணி மட்டுமே பிளே ஆஃப் சுற்றை உறுதி செய்துள்ளது. மீதமுள்ள இடங்களில் மும்பை,  லக்னோ, பெங்களூரு முட்டிமோதுகின்றது. பஞ்சாப், டெல்லி, ஹைதராபாத் தொடரிலிருந்து வெளியேறிவிட்ட நிலையில், ராஜஸ்தான், கொல்கத்தா அணிகள் ஏதாவது அதிசயம் நடக்காதா என காத்திருக்கிறது. 


கொல்கத்தா - லக்னோ மோதல் 


ஈடன் கார்டன் மைதானத்தில் கொல்கத்தா நைட் ரைடர்ஸ் - லக்னோ சூப்பர் ஜெயன்ட்ஸ் அணிகள் மோதுகிறது. இந்த போட்டியில் டாஸ் வென்ற கொல்கத்தா அணி பந்து வீச முடிவு செய்துள்ளது.


இந்த ஐபிஎல் தொடரில் இதுவரை...


நடப்பு ஐபிஎல் தொடரில் 13 ஆட்டங்களில் விளையாடியுள்ள லக்னோ அணி  7 வெற்றி, 5 தோல்வி, ஒரு முடிவில்லாத போட்டி என மொத்தம் 15 புள்ளிகளைப் பெற்று புள்ளிப்பட்டியலில் 3வது இடத்தில் உள்ளது. இதேபோல் கொல்கத்தா அணி 13 ஆட்டங்களில் ஆடி 6 வெற்றி, 7 தோல்விகளுடன் புள்ளிப்பட்டியலில் 12 புள்ளிகளுடன் 7வது இடத்தில் உள்ளது. இந்த சீசனில் இரு அணிகளும் முதல்முறையாக மோதுகின்றது. இதனால் இப்போட்டியில் யார் வெற்றி பெறுவார்கள் என்ற எதிர்பார்ப்பு எழுந்துள்ளது. 


நேருக்கு நேர் மோதிய போட்டிகள் 


ஐபிஎல் சீசனில் கடந்தாண்டு தான் லக்னோ அணி அறிமுகமானது. அந்த சீசனில் கொல்கத்தா அணியை லக்னோ 2 முறை எதிர்கொண்டது. இந்த 2 போட்டிகளிலும் லக்னோ அணியே வெற்றி பெற்றது. இந்த 2 ஆட்டத்திலும் லக்னோ அணியே முதலில் பேட் செய்திருந்தது. இந்நிலையில் இன்று நடக்கும் போட்டியில் பழைய தோல்விக்கு கொல்கத்தா பழி தீர்க்க முயற்சிக்கும் என எதிர்பார்க்கப்படுகிறது. அதேசமயம் லக்னோ அணிக்கு இந்த போட்டி பிளே ஆஃப் செல்ல முக்கியமான போட்டி என்பதால் அந்த அணியும் வெற்றிக்கு போராடும் என்பதால் இப்போட்டி மிகப்பெரிய எதிர்பார்ப்பை ஏற்படுத்தியுள்ளது. 


ப்ளேயிங் லெவன்:


கொல்கத்தா அணி: 


ரஹ்மானுல்லா குர்பாஸ்(விக்கெட் கீப்பர்), ஜேசன் ராய், வெங்கடேஷ் ஐயர், நிதிஷ் ராணா(கேப்டன்), ஆண்ட்ரே ரசல், ரின்கு சிங், ஷர்துல் தாக்கூர், சுனில் நரைன், வைபவ் அரோரா, ஹர்ஷித் ராணா, வருண் சக்கரவர்த்தி


லக்னோ சூப்பர் ஜெயண்ட்ஸ் பிளேயிங் லெவன்:


குயின்டன் டி காக்(விக்கெட் கீப்பர்), கரண் ஷர்மா, பிரேரக் மன்கட், மார்கஸ் ஸ்டோனிஸ், நிக்கோலஸ் பூரன், க்ருனால் பாண்டியா(கேப்டன்), ஆயுஷ் படோனி, கிருஷ்ணப்ப கவுதம், ரவி பிஷ்னோய், நவீன்-உல்-ஹக், மொஹ்சின் கான், 


இம்பேக்ட் வீரர்கள்: 


கொல்கத்தா அணி: 


சுயாஷ் சர்மா, மன்தீப் சிங், அனுகுல் ராய், என் ஜெகதீசன், டேவிட் வைஸ்


லக்னோ சூப்பர் ஜெயண்ட்ஸ் :


கைல் மேயர்ஸ், யாஷ் தாக்கூர், டேனியல் சாம்ஸ், யுத்வீர் சிங் சரக், தீபக் ஹூடா