IPL 2023 Points Table: ராஜஸ்தான் அணிக்கு எதிரான போட்டியை எளிதாக வென்ற பின் குஜராத் டைட்டன்ஸ் அணி புள்ளிப்பட்டியலில் முதல் இடத்தில் உள்ளது.
ஐபிஎல் தொடரில் 10 அணிகள் களமிறங்கியுள்ளதால் போட்டியில் பரபரப்பு அதிகமாகியுள்ளது. ப்ளே ஆஃப்க்கு 4 அணிகள் மட்டுமே முன்னேற முடியும் என்பதால் அணிகளுக்கு மத்தியில் கடும் போட்டி நிலவுகிறது. அதேபோல், ஹைதராபாத் மற்றும் டெல்லி அணிகள் கடைசி இரண்டு இடத்தில் உள்ளதால் அவர்கள் மட்டும் ப்ளேஆஃப் ரேஸில் இருந்து விலக்கப்பட்டுள்ளனர்.
மற்றபடி உள்ள 8 அணிகளும் ப்ளேஆஃப் ரேஸில் முட்டி மோதிக்கொண்டு உள்ளன. அதில் நடப்புச் சாம்பியன் குஜராத் அணி முதல் இடத்தில் உள்ளது. நேற்று நடந்த போட்டியில் குஜராத் அணி ராஜஸ்தான் அணியை 9 விக்கெட்டுகள் வித்தியாசத்தில் வீழ்த்தியது. இதனால் குஜராத் அணி 14 புள்ளிகளுடன் முதல் இடத்தில் நீடிக்கிறது. மொத்தம் 10 போட்டிகளில் விளையாடியுள்ள குஜராத் அணி 7 போட்டிகளில் வென்றுள்ளது. அதேபோல் இந்த போட்டியில் தோற்ற ராஜஸ்தான் அணி 10 புள்ளிகளுடன் 4வது இடத்தில் உள்ளது.
புள்ளிப்பட்டியல்:
புள்ளிப்பட்டியலின் முழு விவரத்தை கீழே காணலாம்.
- குஜராத் - 7வெற்றி 3 தோல்வி - 14 புள்ளிகள்
- லக்னோ - 5 வெற்றி 4 தோல்வி - 10 புள்ளிகள்
- சென்னை - 5 வெற்றி 4 தோல்வி - 11 புள்ளிகள்
- ராஜஸ்தான் - 5 வெற்றி 5 தோல்வி - 10 புள்ளிகள்
- பெங்களூர் - 5 வெற்றி 4 தோல்வி - 10 புள்ளிகள்
- மும்பை - 5 வெற்றி 4தோல்வி - 10 புள்ளிகள்
- பஞ்சாப் - 5 வெற்றி 5 தோல்வி - 10 புள்ளிகள்
- கொல்கத்தா - 4 வெற்றி 6 தோல்வி - 8 புள்ளிகள்
- சன்ரைசர்ஸ் - 3 வெற்றி 6 தோல்வி - 6 புள்ளிகள்
- டெல்லி - 3 வெற்றி 6 தோல்வி - 6 புள்ளிகள்
மும்பை - சென்னை
மும்பை இந்தியன்ஸ் மற்றும் சென்னை சூப்பர் கிங்ஸ் அணிகளுக்கு இடையில் இன்று நடக்கவுள்ள போட்டியின் முடிவு புள்ளிப்பட்டியலில் வெகுவான மாற்றத்தினை ஏற்படுத்தும். அதேபோல் இன்று இரவு நடக்கவுள்ள மற்றொரு போட்டியில் டெல்லி மற்றும் பெங்களூரு அணிகள் மோதுகின்றன. இதில் பெங்களுரு அணி வெற்றி பெரும் பட்சத்தில் புள்ளிப்பட்டியலில் பெரிய மாற்றத்தினை ஏற்படுத்தும் என்பது குறிப்பிடத்தக்கது.