ஐபிஎல் தொடரில் குஜராத் டைட்டன்ஸ் மற்றும் ராஜஸ்தான் ராயல்ஸ் அணிகளுக்கு இடையேயான போட்டியில், களமிறங்க உள்ள பிளேயிங் லெவன் வீரர்களின் விவரங்கள் வெளியிடப்பட்டுள்ளன.


ஐபிஎல் சீசன்:


கடந்த மார்ச் 31 ஆம் தேதி தொடங்கிய 16வது ஐபிஎல் தொடரின் லீக் போட்டிகள் இறுதிக்கட்டத்தை நெருங்கியுள்ளது. ஒரு மாதத்திற்கும் மேலாக நடைபெற்று வரும் கிரிக்கெட் திருவிழாவின் பல போட்டிகள் இறுதிவரை பரபரப்புக்கு பஞ்சமில்லாமல் சென்றது.  பிளே ஆஃப் சுற்றுக்கு யார் யார் செல்லப் போகிறார்கள் என்ற எதிர்பார்ப்பு கணிக்க முடியாத அளவில் உள்ளது. கிட்டதட்ட 4 அணிகள் 10 புள்ளிகளுடன் 4 இடத்திற்கு முட்டி மோதி வருகின்றன.


குஜராத் - ராஜஸ்தான் மோதல்


இப்படியான நிலையில் இன்று நடக்கும் 48வது லீக் போட்டியில் சஞ்சு சாம்சன் தலைமையிலான ராஜஸ்தான் ராயல்ஸ் அணியும், ஹர்திக் பாண்ட்யா தலைமையிலான குஜராத் டைட்டன்ஸ் அணியை எதிர்கொள்கிறது. ராஜஸ்தானில் உள்ள சவாய் மான்சிங் மைதானத்தில் இரவு 7.30 மணிக்கு தொடங்க உள்ள போட்டியில், டாஸ் வென்ற ராஜஸ்தான் அணி முதலில் பந்துவீச முடிவு செய்துள்ளது. இப்போட்டியை ஸ்டார் ஸ்போர்ட்ஸ் தொலைக்காட்சி அலைவரிசையிலும், ஜியோ சினிமா செயலிலும் ரசிகர்கள் நேரலையில் கண்டு களிக்கலாம். இன்றைய போட்டியில் வென்று பிளே ஆஃப் வாய்ப்பை உறுதிப்படுத்தும் முனைப்பில் குஜராத் அணி களமிறங்குகிறது. அதேநேரம், நடப்பு தொடரில் ஏற்கனவே இரு அணிகளும் மோதிய போட்டியில், ராஜச்தான் அணி த்ரில் வெற்றி பெற்றது. இதற்கு பழிவாங்கும் நோக்கில் குஜராத் அணி களமிறங்குகிறது. இந்நிலையில், இரு அணிகளின் பிளேயிங் லெவன் விவரங்கள் வெளியிடப்பட்டுள்ளன.


ராஜஸ்தான் ராயல்ஸ் அணி:


யஷஸ்வி ஜெய்ஸ்வால், ஜோஸ் பட்லர், தேவ்தத் படிக்கல், சஞ்சு சாம்சன் (கேப்டன்), ஷிம்ரோன் ஹெட்மியர், துருவ் ஜூரல், ரவிச்சந்திரன் அஷ்வின், ஆடம் ஜாம்பா, ட்ரெண்ட் போல்ட், சந்தீப் சர்மா, யுஸ்வேந்திர சாஹல்


இம்பேக்ட் பிளேயர்ஸ்:


ஜோ ரூட், முருகன் அஷ்வின், ரியான் பராக், ஆசிப், குல்தீப் யாதவ்


குஜராத் டைட்டன்ஸ் அணி:


விருத்திமான் சாஹா (விக்கெட் கீப்பர்), ஹர்திக் பாண்டியா (கேப்டன்), விஜய் சங்கர், டேவிட் மில்லர், அபினவ் மனோகர், ராகுல் திவாடியா, ரஷித் கான், நூர் அகமது, முகமது ஷமி, மோகித் சர்மா, ஜோஸ்வா லிட்டில் 


இம்பேக்ட் பிளேயர்ஸ்:


ஷுப்மன் கில், சாய் சுதர்ஷன், கே.எஸ். பரத், சாய் கிஷோர், சிவம் மாவி


புள்ளிப்பட்டியல் விவரம்:


குஜராத் அணி 10 போட்டிகளில் ஆடி 6 வெற்றி, 4 தோல்விகளுடன் 12 புள்ளிகளைப் பெற்று தரவரிசைப் பட்டியலில் முதல் இடத்தில் உள்ளது. இதேபோல் ராஜஸ்தான் அணி 9 போட்டிகளில் விளையாடி 5 வெற்றி, 4 தோல்விகளை பெற்று 10 புள்ளிகளுடன் 4வது இடத்தில் உள்ளது.  இன்றைய போட்டியில் வென்றால் ராஜஸ்தான் அணி, ரன் ரேட் அடிப்படையில் புள்ளிப்பட்டியலில் முதலிடம் பிடிக்கும்.