ராஜஸ்தான் ராயல்ஸ் அணியின் இளம் ஆல்ரவுண்டர் ரியான் பராக், முன்னாள் இந்திய கேப்டன் மகேந்திர சிங் தோனியை பயிற்சி ஆட்டத்தின்போது இமிடேட் செய்துள்ளார். அதை இந்திய கிரிக்கெட் உலகம் ரசித்துப் பாராட்டி வருகிறது. இதனைக் குறிப்பிட்டு ராஜஸ்தான் ராயல்ஸ் ட்விட்டரில் பகிர்ந்துள்ள வீடியோவில், “ரியான் பராக் எம்எஸ் தோனியை நேசிக்கிறார்!” என்று தலைப்பிட்டுள்ளது.
வைரலான அந்த வீடியோ கீழே:
21 வயதான பராக் கையுறைகளை அணிந்து ஸ்டம்புகளுக்குப் பின்னால் நின்று பயிற்சியாளரிடம் இருந்து குறிப்புகளை எடுத்துக்கொள்கிறார். பயிற்சியில் இருந்த மற்ற உறுப்பினர்கள் கீப்பிங் செய்யும் போது தோனியின் ஸ்டைலைப் பின்பற்றுமாறு பராக்கைக் கேட்டுக் கொண்டனர். இதை அடுத்து தோனி செய்வது போல் பராக் தோள்களை அசைக்கிறார். இதனை அனைவரும் ரசிக்கின்றனர்.
பராகின் பயிற்சியாளர், “2 அடி நீளத்துடன் ஒரு கிடைமட்ட கோட்டை உருவாக்கு. அது உங்கள் கை வரம்பாக இருக்கும், நீங்கள் மையத்தில் உட்கார வேண்டும். உங்கள் கைகளை முன்னோக்கி கொண்டு உட்கார்ந்து கொள்ளுங்கள். நீங்கள் பந்தைப் பெறும்போது உங்கள் முழங்கால் வளைந்திருக்க வேண்டும்” என்கிறார். இந்த வீடியோ தற்போது வைரலாகி வருகிறது.