சர்வதேச கிரிக்கெட்டில் சிக்ஸர்கள் அல்லது சிக்ஸர்களின் சாதனை என்று வரும்போதெல்லாம், முதலில் ஞாபகம் வருவது இந்திய கேப்டன் ரோஹித் சர்மாவைதான். தற்போது, சர்வதேச கிரிக்கெட்டில் சிக்ஸர் அடிக்கும் விஷயத்தில் யாரையும் தன் அருகில் செல்ல அனுமதிக்காத வீரர்களில் ரோஹித் சர்மாவும் ஒருவர். ஆனால் சர்வதேச கிரிக்கெட்டில் ரோஹித் சர்மாவை விட அதிக சிக்ஸர் அடித்த பேட்ஸ்மேன் இருந்திருக்கிறார் என்று நாங்கள் உங்களுக்குச் சொன்னால், நீங்கள் அதை நம்புவீர்களா..? ஆனால் அதுதான் உண்மை. ரோஹித் சர்மாவின் சாதனையை ஐக்கிய அரபு எமிரேட்ஸ் அணியை சேர்ந்த முகமது வாசிம் முறியடித்துள்ளார்.
முன்னதாக, சர்வதேச கிரிக்கெட்டில் ஒரு வருடத்தில் அதிக சிக்ஸர்கள் அடித்த சாதனை ரோஹித் சர்மாவின் பெயரில் இருந்தது. இப்போது ஐக்கிய அரபு எமிரேட்ஸின் முகமது வாசிம் அந்த சாதனையை முறியடித்துள்ளார். ரோஹித் சர்மாவின் சாதனையை முறியடித்ததுடன், இதுவரை யாராலும் செய்ய முடியாத சிறப்பான சாதனையையும் வாசிம் படைத்துள்ளார்.
அப்படி என்ன சாதனை..?
ஐக்கிய அரபு எமிரேட்ஸின் (UAE) வாசிம் சர்வதேச கிரிக்கெட்டில் ஒரு வருடத்தில் 100 அல்லது அதற்கு மேற்பட்ட சிக்ஸர்களை அடித்த முதல் வீரர் என்ற சாதனையை படைத்துள்ளார். இதற்கு முன், சர்வதேச கிரிக்கெட்டில் ஒரு வருடத்தில் எந்த பேட்ஸ்மேனும் 80 சிக்ஸர்களுக்கு மேல் அடித்ததில்லை. முன்னதாக ஒரு வருடத்தில் 80 சிக்ஸர்களை அடித்த சாதனை ரோஹித் சர்மாவின் பெயரிலேயே இருந்தது. அதுவும் இப்போது அழிக்கப்பட்டுள்ளது.
கடந்த ஆண்டு அதாவது 2023ல் சர்வதேச கிரிக்கெட்டில் முஹம்மது வாசிம் 101 சிக்சர்கள் அடித்த நிலையில், 80 சிக்ஸர்களை அடித்த இந்திய கேப்டன் ரோஹித் சர்மா இரண்டாவது இடத்தில் உள்ளார். வாசிம் 2023 இல் டி20 மற்றும் ஒருநாள் கிரிக்கெட்டில் விளையாடி இந்த அரிய சாதனையை படைத்துள்ளார். அதே நேரத்தில், இந்திய கேப்டன் ரோஹித் சர்மா கடந்த 2023 இல் ஒருநாள் மற்றும் டெஸ்ட் கிரிக்கெட்டில் விளையாடினார். 2023ல் ரோஹித் எந்த டி20 சர்வதேச போட்டியிலும் விளையாடவில்லை என்பது குறிப்பிடத்தக்கது.