ஐபிஎல் தொடரை தொடர்ந்து தமிழ்நாட்டைச் சேர்ந்த கிரிக்கெட் ரசிகர்களால் பெரிதும் எதிர்பார்க்கப்படும் டிஎன்பிஎல் தொடர் வரும் ஜூன் 12 ஆம் தேதி தொடங்குகிறது, 

தமிழ்நாடு பிரீமியர் லீக் எனப்படும் டிஎன்பிஎல் தொடர் இதுவரை 6 சீசன்களை நிறைவு செய்துள்ளது. இந்த தொடரில் சேப்பாக் சூப்பர் கில்லீஸ், சேலம் ஸ்பார்ட்டன்ஸ், சீகம் மதுரை பேந்தர்ஸ், திண்டுக்கல் டிராகன்ஸ், நெல்லை ராயல் கிங்ஸ், லைகா கோவை கிங்ஸ், ஐடிரீம் திருப்பூர் தமிழன்ஸ், ரூபி திருச்சி வாரியர்ஸ்  ஆகிய 8 அணிகள் பங்கேற்கின்றது. 

இதற்கான டிக்கெட் விற்பனை கடந்த வாரம் தொடங்கியது. இதில் கோவை மற்றும் திண்டுக்கலில் நடைபெறும் போட்டிகளுக்கு ஆன்லைன் மூலம் டிக்கெட் விற்பனை நடைபெற்றது. இம்முறை சென்னை சேப்பாக்கம் மைதானத்தில் போட்டிகள் நடைபெறவில்லை. கோவை, நெல்லை, சேலம், திண்டுக்கள் ஆகிய 4 நகரங்களில் மட்டுமே மொத்தம் 32 போட்டிகள் நடக்கிறது. 

சேலத்தில் 10, கோவையில் 5, திண்டுக்கலில் 7, நெல்லையில் 10  ஆட்டங்கள் நடைபெறுகிறது. இதில் 12 ஆம் தேதி நடக்கும் ஆட்டத்தில் கோவை அணி, திருப்பூர் அணியை எதிர்கொள்கிறது. போட்டிகளை காண சாதாரண டிக்கெட் ரூ.200க்கும், உணவுடன் கூடிய டிக்கெட் ரூ.1,500க்கும் விற்பனை செய்யப்படுகிறது. இந்த தொடரில் முதல்முறையாக டிஆர்எஸ் முறை அமல்படுத்தப்படும் என தெரிவிக்கப்பட்டுள்ளது. 

இந்த தொடரில் முதல் பரிசு ரூ.50 லட்சம், 2ஆம் பரிசாக ரூ.30 லட்சம், 3 மற்றும் 4 ஆம் இடங்கள் பிடிக்கும் அணிக்கு ரூ. 20 லட்சம், 5 முதல் 8வது இடங்கள் வரை பிடிக்கும் அணிகளுக்கு தலா ரூ.12.5 லட்சமும் வழங்கப்படும். போட்டிகள் அனைத்தும் ஸ்டார் ஸ்போர்ட்ஸ் 1 தமிழ், ஸ்டார் ஸ்போர்ட்ஸ் 1 எச்டி ஆகிய சேனல்களில் ஒளிபரப்பு செய்யப்படுகிறது. 

டிஎன்பிஎல் போட்டி அட்டவணை

 

 நாள்   மோதும் அணிகள்  இடம் 
ஜூன் 12  கோவை vs திருப்பூர் கோவை
ஜூன் 13   சேலம் vs  சேப்பாக்  கோவை
ஜூன் 14   மதுரை vs நெல்லை கோவை
ஜூன் 15  திண்டுக்கல் vs  திருச்சி கோவை
ஜூன் 16  கோவை vs நெல்லை  கோவை
  ஜூன் 18    சேலம் vs திருச்சி திண்டுக்கல்
ஜூன் 19  கோவை vs சேப்பாக் திண்டுக்கல்
ஜூன் 20 நெல்லை vs திருப்பூர்  திண்டுக்கல்
ஜூன் 21  சேப்பாக் vs திண்டுக்கல் திண்டுக்கல்
ஜூன் 21 திருச்சி vs கோவை திண்டுக்கல்
ஜூன் 22  நெல்லை vs சேலம் திண்டுக்கல்
ஜூன் 24  நெல்லை vs சேப்பாக் சேலம் 
ஜூன் 24  சேலம் vs மதுரை சேலம் 
ஜூன் 25  திருப்பூர் vs  திருச்சி  சேலம் 
ஜூன் 26 சேப்பாக் vs மதுரை  சேலம் 
ஜூன் 27 சேலம் vs  கோவை  சேலம் 
ஜூன் 28   திருப்பூர் vs திண்டுக்கல் சேலம் 
ஜூன் 29  மதுரை vs திருச்சி சேலம் 
ஜூலை 1 திருப்பூர் vs சேலம் திருநெல்வேலி 
ஜூலை 1   நெல்லை vs திண்டுக்கல்  திருநெல்வேலி 
ஜூலை 2  மதுரை vs கோவை  திருநெல்வேலி 
ஜூலை 3  திருச்சி vs சேப்பாக்  திருநெல்வேலி 
ஜூலை 4 மதுரை vs திருப்பூர்  திருநெல்வேலி 
ஜூலை 5 திருச்சி vs நெல்லை  திருநெல்வேலி 
ஜூலை 7  தகுதிச்சுற்று முதல் போட்டி  சேலம் 
ஜூலை 8  வெளியேற்றுதல் சுற்று  சேலம்
ஜூலை 10  தகுதிச்சுற்று 2 திருநெல்வேலி 
ஜூலை 12 இறுதிப்போட்டி  திருநெல்வேலி