ஆஸ்திரேலியாவில் நடந்த டி20 உலகக் கோப்பையில் பாகிஸ்தான் அணிக்கு எதிரான அரையிறுதியில் நியூசிலாந்து அணி தோல்வியை தழுவியது. இந்நிலையில், இந்திய அணிக்கு எதிரான மூன்று டி20 போட்டிகள் மற்றும் மூன்று ஒருநாள் போட்டிகளில் நியூசிலாந்து விளையாட இருக்கிறது. இந்த தொடரில் ட்ரென்ட் போல்ட் மற்றும் தொடக்க வீரர் மார்டின் குப்தில் ஆகியோருக்கு ஓய்வு அளிக்கப்பட்டுள்ளது.
அதேபோல், ஆல்- ரவுண்டர் ஜிம்மி நீஷமிற்கு விரைவில் திருமணம் நடைபெற இருப்பதால் இந்தியாவிற்கு எதிரான மூன்றாவது ஒருநாள் போட்டியில் இருந்து விலக்கப்பட்டுள்ளார். அவருக்கு பதிலாக ஹென்றி நிக்கோல்ஸ் சேர்க்கப்பட்டுள்ளார். நியூசிலாந்து அணியில் காயம் காரணமாக பென் சியர்ஸ், கைல் ஜேமிசன் தேர்வுக்கு பரிசீலிக்கப்படவில்லை.
இந்தியாவிற்கு எதிரான நியூசிலாந்து டி20 அணி: கேன் வில்லியம்சன் (கேப்டன்), ஃபின் ஆலன், மைக்கேல் பிரேஸ்வெல், டெவோன் கான்வே (விக்கெட் கீப்பர்), லாக்கி பெர்குசன், டேரில் மிட்செல், ஆடம் மில்னே, ஜிம்மி நீஷம், க்ளென் பிலிப்ஸ், மிட்செல் சான்ட்னர், இஷ் சோதி, டிம் சவுத்தி, பிளேர் டிக்னர்
இந்தியாவிற்கு எதிரான நியூசிலாந்து ஒருநாள் அணி:
கேன் வில்லியம்சன் (கேப்டன்), ஃபின் ஆலன், மைக்கேல் பிரேஸ்வெல், டெவோன் கான்வே (விக்கெட் கீப்பர்), லாக்கி பெர்குசன், மாட் ஹென்றி, டாம் லாதம் (விக்கெட் கீப்பர்), டேரில் மிட்செல், ஆடம் மில்னே, ஜிம்மி நீஷம், க்ளென் பிலிப்ஸ், மிட்செல் சான்ட்னர், டிம் சவுத்தி
இந்திய அணி:
நியூசிலாந்து எதிரான டி20 தொடரில் ஹர்திக் பாண்டியாவும், ஒருநாள் போட்டிகளுக்கு ஷிகர் தவான் கேப்டனாகவும் இருப்பார் என்று அறிவிக்கப்பட்டுள்ளது. அதேபோல், இந்திய அணியின் கேப்டன் ரோஹித் சர்மா, துணைக் கேப்டன் கேஎல் ராகுல், விராட் கோலி ஆகியோருக்கு நியூசிலாந்து தொடரில் இருந்து ஓய்வு அளிக்கப்பட்டுள்ளது.
அதேபோல், கடந்த தொடர்களில் சிறப்பாக விளையாடிய ஷ்ரேயாஸ் ஐயர், சஞ்சு சாம்சன் இந்திய அணிக்கு மீண்டும் திரும்பியுள்ளனர். மேலும், தமிழக வீரர் வாஷிங்டன் சுந்தரும் நியூசிலாந்து அணிக்கு எதிரான தொடரில் இடம் பெற்றுள்ளார்.
நியூசிலாந்து அணிக்கு எதிரான டி20 இந்திய அணி:
ஹர்திக் பாண்டியா (கேப்டன்), ரிஷப் பந்த் (துணை கேப்டன்& விக்கெட் கீப்பர்), ஷுப்மன் கில், இஷான் கிஷன், தீபக் ஹூடா, சூர்ய குமார் யாதவ், ஷ்ரேயாஸ் ஐயர், சஞ்சு சாம்சன் (விக்கெட் கீப்பர்), வாஷிங்டன் சுந்தர், யுஸ்வேந்திர சாஹல், குல்தீப் யாதவ், அர்ஷ்தீப் சிங், ஹர்ஷல் படேல், முகமது. சிராஜ், புவனேஷ்வர் குமார், உம்ரான் மாலிக்.
நியூசிலாந்து அணிக்கு எதிரான ஒருநாள் இந்திய அணி:
ஷிகர் தவான் (கேப்டன்), ரிஷப் பந்த் (துணை கேப்டன்& விக்கெட் கீப்பர்), ஷுப்மான் கில், தீபக் ஹூடா, சூர்ய குமார் யாதவ், ஷ்ரேயாஸ் ஐயர், சஞ்சு சாம்சன் (விக்கெட் கீப்பர்), வாஷிங்டன் சுந்தர், ஷர்துல் தாக்கூர், ஷாபாஸ் அகமது, யுஸ்வேந்திர சாஹல், குல்தீப் யாதவ், அர்ஷ்தீப் சிங், தீபக் சாஹர், குல்தீப் சென், உம்ரான் மாலிக்.