Ind vs Eng Test: 100வது டெஸ்ட்! அசத்திய அஸ்வின்.. சொதப்பிய பார்ஸ்டோ!
Ind vs Eng Test: 100 வது டெஸ்ட் போட்டியில் இந்திய அணி வீரர் ரவிச்சந்திரன் அஸ்வின் 4 விக்கெட்டுகளை எடுத்து அசத்தியுள்ளார். ஆனால், இங்கிலாந்து வீரர் ஜானி பார்ஸ்டோ சொதப்பியுள்ளார்.
இந்தியா - இங்கிலாந்து டெஸ்ட்:
இந்தியாவிற்கு சுற்றுப்பயணம் மேற்கொண்டுள்ள இங்கிலாந்து அணி 5 டெஸ்ட் போட்டிகள் கொண்ட தொடரில் விளையாடி வருகிறது. அதன்படி, முதல் போட்டியில் இந்திய அணியை 28 ரன்கள் வித்தியாசத்தில் வீழ்த்தியது இங்கிலாந்து அணி. இரண்டாவது போட்டியில் இந்திய அணி 106 ரன்கள் வித்தியாசத்தில் வெற்றி பெற்றது. இதனிடையே, இந்தியா மற்றும் இங்கிலாந்து இடையேயான மூன்றாவது டெஸ்ட் போட்டி பிப்ரவரி 15ஆம் தேதி குஜராத் மாநிலம் ராஜ்கோட் சௌராஷ்டிரா கிரிக்கெட் சங்க மைதானத்தில் நடைபெற்றது.
இந்த போட்டியில் இந்திய அணி 434 ரன்கள் வித்தியாசத்தில் வெற்றி பெற்றது. இந்நிலையில், பிப்ரவரி 23ஆம் தேதி ராஞ்சியில் உள்ள ஜே.எஸ்.சி.ஏ. சர்வதேச மைதானத்தில் நான்காவது டெஸ்ட் போட்டி தொடங்கியது. இதில் இந்திய அணி வெற்றி பெற்று தொடரை வென்றது. அந்த வகையில் இந்திய அணி 5 விக்கெட்டுகள் வித்தியாசத்தில் இங்கிலாந்து அணியை வீழ்த்தியது. இதன் மூலம் 3-1 என்ற கணக்கில் தனது சொந்த நாட்டில் நடைபெறும் டெஸ்ட் தொடரை இந்திய அணி வென்றுள்ளது. இதனிடையே இந்த டெஸ்ட் தொடரின் கடைசி போட்டி ஹிமாச்சல பிரதேச கிரிக்கெட் சங்க மைதானத்தில் இன்று தொடங்கியது.
Just In
அசத்திய அஸ்வின்!
இந்த போட்டியில் முக்கியமாக பார்க்கப்பட்டது இரண்டு வீரர்கள் தங்களது 100-வது போட்டியில் களம் இறங்கியது தான். அதன்படி, இங்கிலாந்து கிரிக்கெட் அணியின் வீரர் ஜானி பேர்ஸ்டோவ் மற்றும் இந்திய அணியின் சுழற்பந்து வீச்சாளர் ரவிச்சந்திரன் அஸ்வின் ஆகியோர் தங்களது 100வது போட்டியில் களம் இறங்கினார்கள். இதனால் இன்றைய போட்டியில் அவர்களது செயல்பாடு எப்படி இருக்கும் என்று ரசிகர்கள் எதிர்பார்த்து காத்திருந்தனர். அந்த வகையில், தன்னுடைய 100 வது டெஸ்ட் போட்டியில் களம் இறங்கிய ஜானி பார்ஸ்டோவ் அதிரடியாக விளையாடினாலும் குறைந்த ரன்களில் விக்கெட்டை பறிகொடுத்துச் சென்றார்.
சொதப்பிய பார்ஸ்டோவ்!
அவர் மொத்தம் 18 பந்துகள் களத்தில் நின்று 2 பவுண்டரிகள் மற்றும் 2 சிக்ஸர்கள் என மொத்தம் 29 ரன்கள் எடுத்து குல்தீப் யாதவ் பந்தில் விக்கெட்டை பறிகொடுத்தார். தன்னுடைய 100 வது டெஸ்ட் போட்டியில் அசத்தலாக விளையாடுவார் என்று எதிர்பார்த்த ரசிகர்களுக்கு ஏமாற்றத்தைக் கொடுத்தார். ஆனால், இந்திய அணியின் சுழற்பந்து வீச்சாளர் அஸ்வின் தன்னுடைய சிறப்பான ஆட்டத்தை வெளிப்படுத்தினார்.
அந்த வகையில், 100 வது போட்டியில் 11.4 ஓவர்கள் வீசிய அவர் 1 ஓவர் மெய்டன் செய்து 51 ரன்களை விட்டுக்கொடுத்து 4 விக்கெட்டுகளை வீழ்த்தியுள்ளார். அதன்படி தன்னுடைய 100 வது டெஸ்ட் போட்டியில் அற்புதமாக விளையாடிய அஸ்வினை ரசிகர்கள் பலரும் சமூக வலைதளங்களில் பாராட்டி வருகின்றனர்.
மேலும் படிக்க: Virat Kohli IPL Record: IPL-ல் ஒரு சீரிஸில் அதிக ரன்களை விளாசிய வீரர்! விராட் கோலியின் சாதனை!
மேலும் படிக்க: Watch Video: என்ன ஹீரோயிசமா? சர்பராஸ் கானை கண்டித்த ரோகித் சர்மா - நடந்தது இதுதான்!