IND Vs BAN CT 2025 Match Prediction: ஐசிசி சாம்பியன்ஸ் ட்ராபியில் இந்தியா மற்றும் நியூசிலாந்து அணிகளுக்கு இடையேயான, போட்டி இன்று துபாய் சர்வதேச மைதானத்தில் பிற்பகல் 2.30 மணிக்கு தொடங்க உள்ளது.
ஐசிசி சாம்பியன்ஸ் ட்ராபி:
ஐசிசி சாம்பியன்ஸ் ட்ராபி போட்டியின் லீக் சுற்று இன்று இறுதிகட்டத்தை எட்டியுள்ளது. ஏ பிரிவில் இடம்பெற்றுள்ள இந்தியா மற்றும் நியூசிலாந்து அணிகள் இதுவரை விளையாடிய இரண்டு போட்டிகளிலும் வென்று, ஏற்கனவே அரையிறுதிக்கு முன்னேறிவிட்டன. இந்நிலையில் தான் அந்த இரு அணிகளுக்கு இடையேயான லீக் போட்டி இன்று நடைபெற உள்ளது. ஹாட்ரிக் வெற்றியுடன் அரையிறுதிப் போட்டியில் களமிறங்க இரு அணிகளும் தீவிரம் காட்டுகின்றன. இதனால் இந்த போட்டியில் பரபரப்புக்கு பஞ்சமிருக்காது என எதிர்பார்க்கப்படுகிறது.
எங்கு? எப்போது? நேரலை எப்படி?
துபாயில் உள்ள சர்வதேச கிரிக்கெட் மைதானத்தில், இந்தியா மற்றும் நியூசிலாந்து அணிகள் மோத உள்ளன. இந்திய நேரப்படி பிற்பகல் 2.30 மணிக்கு போட்டி தொடங்க உள்ளது. அண்மையில் உள்ளூர் ரசிகர்கள் முன்னிலையில், டெஸ்ட் தொடரில் ஒயிட் வாஷ் செய்த நியூசிலாந்து அணியை, பழிவாங்க ரோகித் தலைமையிலான இந்திய அணி முனைப்பு காட்டுகிறது. இன்றைய போட்டியின் வெற்றி தோல்வியின் அடிப்படையிலேயே, அரையிறுதியில் எந்த அணியுடன் இந்தியா மோதும் என்பது உறுதியாக உள்ளது.
ஐசிசி சாம்பியன்ஸ் ட்ராபி போட்டிகள் அனைத்தும் இந்தியாவில் ஜியோ ஹாட்ஸ்டார் செயலியில் இலவசமாக நேரலையில் ஸ்ட்ரீம் செய்யப்படும். தொலைக்காட்சிகளில் ஸ்டார் ஸ்போர்ட்ஸ் நெட்வொர்க் மற்றும் ஸ்போர்ட்ஸ்18 தொலைக்காட்சி அலைவரிசைகளில் நேரலையாக ஒளிபரப்பு செய்யப்படும்.
இந்திய அணியின் பலம், பலவீனம்:
தொடர்ந்து மூன்றாவது போட்டியையும் இந்திய அணி துபாய் மைதானத்திலேயே விளையாடுகிறது. இதனால் மைதானத்தின் சூழலை ரோகித் படை நன்கு உணர்ந்து இருப்பது சாதகமாக உள்ளது. தனிப்பட்ட வீரரை சார்ந்து இருக்காமல் குழுவாக செயல்பட்டு கடந்த 2 போட்டிகள்லும், இந்தியா அசத்தியுள்ளது. அதேநிலை தொடர்ந்தால் இன்றைய போட்டியிலும் வெற்றி உறுதி. பேட்ட்ங்கில் ரோகித், கில், கோலி, ஸ்ரேயாஸ் அய்யர் மற்றும் ராகுல் ஆகியோர் நல்ல ஃபார்மில் உள்ளனர். அதேநேரம், பந்துவீச்சில் ஷமி, ராணா, அக்ஷர் படேல் மற்றும் குல்தீப் ஆகியோர் எதிரணிக்கு கடும் நெருக்கடி அளித்து வருகின்றனர். அனைத்து பிரிவுகளிலும் இந்திய அணிக்கு நிகராக நியூசிலாந்து உள்ளதால், இன்று ரோகித் படை வெற்றிக்கு கடுமையாக போராட வேண்டி இருக்கும்.
இந்தியா - நியூசிலாந்து: நேருக்கு நேர்
இந்தியா மற்றும் நியூசிலாந்து அணிகள் சர்வதேச ஒருநாள் போட்டிகளில் இதுவரை 118 முறை மோதியுள்ளன. அதில், இந்தியா 60 போட்டிகளிலும், நியூசிலாந்து 50 போட்டிகளிலும் வெற்றி பெற்றுள்ளன. 7 போட்டிகள் சமனில் முடிய, ஒரு போட்டியில் முடிவு எட்டப்படவில்லை. சாம்பியன்ஸ் ட்ராபியில் இரு அணிகளும் ஒரே ஒரு முறை மட்டுமே மோதியுள்ளான. அதுவும், 2000ம் ஆண்டின் சாம்பியன்ஸ் ட்ராபி ஃபைனலில் இந்தியாவை வீழ்த்தி நியூசிலாந்து சாம்பியன் பட்டம் வென்றது.
துபாய் மைதானம் எப்படி?
துபாய் சர்வதேச கிரிக்கெட் மைதானத்தில் உள்ள ஆடுகளம் மெதுவானதாக இருக்கும் என்று எதிர்பார்க்கப்படுகிறது. பேட்ஸ்மேன்கள் ஆடுகளத்தில் சிரமப்படுவார்கள், அதே நேரத்தில் சுழற்பந்து வீச்சாளர்கள் பந்தில் பெரிய தாக்கத்தை ஏற்படுத்தக்கூடும். மைதானத்தில் முதல் இன்னிங்ஸின் சராசரி ஸ்கோர் 219 ரன்கள் மட்டுமே. எனவே, முதலில் பேட்டிங் செய்யும் அணி 250 ரன்களுக்கு மேல் எடுத்தால், எதிரணிக்கு அது மிகவும் சவாலான ஸ்கோராக இருக்கும்.
அதேநேரத்தில், துபாய் சர்வதேச கிரிக்கெட் மைதானத்தில் முதலில் பேட்டிங் செய்யும் அணிகளை விட சேஸிங் செய்யும் அணிகள் சிறந்த சாதனையைப் பெற்றுள்ளன. இந்த மைதானத்தில் நடைபெற்ற 60 ஒருநாள் போட்டிகளில், முதலில் பேட்டிங் செய்யும் அணிகள் 22 ஆட்டங்களிலும், சேஸ் செய்யும் அணிகள் 36 ஆட்டங்களிலும் வெற்றி பெற்றுள்ளன.
துபாயில் மழை வருமா?
துபாயில் இன்று தெளிவான வானத்தையும் சூரிய ஒளியையும் வானிலை எச்சரிக்கை உறுதியளிக்கிறது. வெப்பநிலை 20 டிகிரி செல்சியஸில் இருக்கும் என்று எதிர்பார்க்கப்படுகிறது. இதனால் இன்றைய போட்டி மழையால் பாதிக்கப்படாது என நம்பப்படுகிறது.
உத்தேச பிளேயிங் லெவன்:
இந்தியா: ரோகித் சர்மா (கேப்டன்), சுப்மன் கில், விராட் கோலி, ஷ்ரேயாஸ் ஐயர், அக்சர் படேல், கே.எல். ராகுல் (வி.கீ.), ஹர்திக் பாண்ட்யா, ரவீந்திர ஜடேஜா, குல்தீப் யாதவ், முகமது ஷமி, ஹர்ஷித் ராணா
நியூசிலாந்து: வில் யங், டெவன் கான்வே, கேன் வில்லியம்சன் , ரச்சின் ரவீந்திரா, டாம் லாதம் (wk), க்ளென் பிலிப்ஸ், மைக்கேல் பிரேஸ்வெல், மிட்செல் சாண்ட்னர் (c), மேட் ஹென்றி, வில்லியம் ஓ'ரூர்க், கைல் ஜேமிசன்