ஆஸ்திரேலிய இங்கிலாந்து அணிகளுக்கு இடையேயான ஆஷஸ் டெஸ்ட் தொடர் நடைபெற்றது. இந்தத் தொடரின் ஐந்தாவது மற்றும் கடைசி டெஸ்ட் போட்டி ஹோபார்ட் நகரில் நடைபெற்றது. இந்தப் போட்டியில் இங்கிலாந்து அணி வெற்றி பெற 271 ரன்களை வெற்றி இலக்காக ஆஸ்திரேலிய அணி நிர்ணயித்திருந்தது. ஆனால் இங்கிலாந்து அணி 124 ரன்களுக்கு அனைத்து விக்கெட்டையும் இழந்து படு தோல்வி அடைந்தது. மேலும் ஆஷஸ் தொடரை ஆஸ்திரேலிய அணி 4-0 என்ற கணக்கில் வென்று அசத்தியது. ஒரே ஒரு டெஸ்ட் போட்டியில் மழை குறுக்கிட்டதால் அந்தப் போட்டி டிராவில் முடிந்தது.
இந்நிலையில் இங்கிலாந்து அணியின் முன்னாள் கேப்டன் மைக்கேல் வானின் பழைய ட்வீட்டை எடுத்து ரசிகர்கள் அவரை வறுத்து எடுத்து வருகின்றனர். 2020ஆம் ஆண்டு டிசம்பர் மாதம் இந்திய அணி ஆஸ்திரேலியா சுற்றுப்பயணம் செய்தது. அப்போது இந்தத் தொடர் தொடர்பாக மைக்கேல் வான் ஒரு ட்விட்டர் பதிவு செய்திருந்தார். அதில், “ஆஸ்திரேலியாவிடம் இந்திய அணி 4-0 என்ற கணக்கில் தோல்வி அடையும்” எனப் பதிவிட்டிருந்தார்.
தற்போது இங்கிலாந்து அணி ஆஸ்திரேலியாவிடம் 4-0 என்ற கணக்கில் தோல்வி அடைந்துள்ளது. இந்தச் சூழலில் தற்போது இந்திய ரசிகர்கள் மைக்கேல் வானின் அந்த ட்வீட்டை எடுத்து அவரை வறுத்து எடுத்து வருகின்றனர். தன்வினை தன்னை சுடும் என்ற கதையாக மைக்கேல் வானின் இந்தியா ட்வீட் தற்போது அவருடைய நாட்டிற்கு எதிராகவே அமைந்துள்ளது குறிப்பிடத்தக்கது.
இவ்வாறு பலரும் தங்களுடைய கருத்துகளை ட்விட்டரில் பதிவிட்டு வருகின்றனர்.
மேலும் படிக்க: ”உங்களுக்கு நடிக்கிறது பிடிக்காது.. அதனாலதான் அழகா தெரியுறீங்க” : அனுஷ்கா சர்மா எமோஷ்னல் போஸ்ட்