கரூர் அகில பாரதிய ஐயப்ப தர்ம பிரச்சார சபா சார்பாக 11ஆம் ஆண்டு புஷ்பாஞ்சலி நிகழ்ச்சியில் 18 வகையான பூக்களால் உற்சவர் ஐயப்பனுக்கு சிறப்பு அபிஷேகம் நடந்தது. கரூர் மாவட்டம், அகில பாரதிய ஐயப்ப தர்ம பிரச்சார சபா நடத்தும் ஓணம் பண்டிகையை முன்னிட்டு 11ஆம் ஆண்டு கலியுக வரதன் ஸ்ரீ தர்ம சாஸ்தா (ஐயப்பன்) உற்சவர் சுவாமிக்கு புஷ்பாஞ்சலி நிகழ்ச்சி வாசவி மகாலில் நடைபெற்றது. இந்நிகழ்ச்சியை முன்னிட்டு ஸ்ரீ மகா தன்வந்திரி ஹோமம், ஸ்ரீ சுயம்வரா பார்வதி ஹோமம் உள்ளிட்ட நிகழ்ச்சிகள் நடைபெற்றது.
தொடர்ந்து இரண்டு நாட்கள் நடைபெற்ற இந்த சிறப்பு நிகழ்ச்சியில் இன்று புஷ்பாஞ்ச நிகழ்ச்சி நடைபெற்றது. இந்த நிகழ்ச்சியை முன்னிட்டு 18 வகையான அரளி, சம்பங்கி, மல்லிகை, முல்லை, அரளி, ரோஸ், துளசி, செவ்வந்தி, செண்டுமல்லி உள்ளிட்ட 18 வகையான பூக்களால் சிறப்பு அபிஷேகம் நடைபெற்றது. சுமார் இரண்டு மணி நேரம் நடைபெற்ற இந்த சிறப்பு நிகழ்ச்சிக்கு பின்னர் ஸ்ரீ தர்ம சாஸ்தா ஐயப்பன் உற்சவருக்கு மகா தீபாராதனை நடைபெற்று குடியிருந்த அனைத்து பக்தர்களுக்கும் பிரசாதம் வழங்கப்பட்டது.
கரூர் மாவட்ட அகில பாரதிய ஐயப்ப தர்ம பிரச்சார சபா நடத்தும் ஓணம் பண்டிகையை முன்னிட்டு பதினொன்றாம் ஆண்டு கலியுக வரதன் ஸ்ரீ தர்ம சாஸ்தா ஐயப்பன் உற்சவர் சுவாமிக்கு புஷ்பாஞ்சலி நிகழ்ச்சியை காண ஏராளமான பக்தர்கள் நிகழ்ச்சியில் கலந்து கொண்டு சிறப்பித்தனர். அதைத் தொடர்ந்து நிகழ்ச்சியில் கலந்து கொண்ட அனைத்து பக்தர்களுக்கும் சிறப்பான முறையில் அன்னதானம் வழங்கப்பட்டது. இந்த நிகழ்ச்சியின் ஏற்பாட்டை கரூர் மாவட்ட அகில பாரதி ஐயப்ப தர்ம பிரச்சார சபா நிர்வாகிகள் சிறப்பாக செய்திருந்தனர்.
கரூர் செவ்வந்திபாளையம் அருள்மிகு ஸ்ரீ பெரிய காண்டி அம்மன் ஆலயத்தில் திருக்குட நன்னீராட்டு பெருவிழா- ஏராளமான பக்தர்கள் சுவாமி தரிசனம்.
கரூர் மாவட்டம், மண்மங்கலம் வட்டம், நன்னியூர் கிராமம், செவந்தி பாளையம் பகுதியில் குடிகொண்டு அருள் பாலித்து வரும் அருள்மிகு ஸ்ரீ பெரியகாண்டியம்மன், ஸ்ரீ தங்காயி, ஸ்ரீ மாசி பெரியசாமி கோவில் வீட்டு ஆலயத்தில் 12 ஆண்டுகளுக்கு ஒரு முறை திருக்குட நன்னீர் நாட்டுப் பெருவிழா. இந்நிலையில் 12 ஆண்டுகளுக்குப் பிறகு இன்று மீண்டும் ஸ்ரீ பெரிய காண்டி அம்மன் உள்ளிட்ட பரிவார சுவாமிகளுக்கு நன்னீராட்டுப்பெருவிழா நடைபெற்று வருகிறது.
இந்த நிகழ்ச்சியை முன்னிட்டு காவிரி ஆற்றில் இருந்து ஏராளமான பக்தர்கள் தீர்த்தம் கொண்டு வந்தனர். அதை தொடர்ந்து வாஸ்து பூஜை உள்ளிட்ட பல்வேறு சிறப்பு பூஜைகள் நடைபெற்றது. பின்னர் ஆலயத்தில் சிவாச்சாரியார் பிரத்தியேக யாக குண்டங்கள் அமைத்து யாக வேள்வி நடத்தினார். அதைத் தொடர்ந்து, ஸ்ரீ பெரிய காண்டியம்மன் மற்றும் பரிவார தெய்வங்களுக்கு பூஜிக்கப்பட்ட புனித தீர்த்தத்தால் திருக்குட நன்னீராட்டு பெருவிழா சிறப்பாக நடைபெற்றது. அதைத் தொடர்ந்து செவந்தி பாளையம் பகுதியில் உள்ள அருள்மிகு ஸ்ரீ ஊம காளியம்மன் ஆலயத்திலும் சிறப்பு அபிஷேகம் நடைபெற்று சந்தன காப்பு அலங்காரத்தில் சுவாமி பக்தர்களுக்கு காட்சியளித்தார்.
பின்னர் ஸ்ரீ பெரிய காண்டி அம்மன் மற்றும் பரிவார தெய்வங்களுக்கு பட்டாடை உடுத்தி, சந்தன காப்பு அலங்காரம் செய்யப்பட்ட பிறகு, தூப தீபங்கள் காட்டப்பட்டு, நெய்வேத்தியம் சமர்ப்பிக்கப்பட்டு, பஞ்ச கற்பூரம் ஆலாத்தியுடன் மகா தீபாராதனை நடைபெற்றது.
செவ்வந்திபாளையம் அருள்மிகு ஸ்ரீ பெரிய காண்டியம்மன், ஸ்ரீ தங்காயி, ஸ்ரீ மாசி பெரிய சுவாமி கோவில் வீடு திருக்குட நன்னீராட்டு பெருவிழா நிகழ்ச்சியை காண ஏராளமான பக்தர்கள் ஆலயம் வருகை தந்து சுவாமி தரிசனம் செய்தனர். நிகழ்ச்சியின் ஏற்பாட்டை செவந்தி பாளையம் ஸ்ரீ பெரியகாண்டியம்மன் ஆலய நிர்வாகிகள் சார்பாக சிறப்பாக செய்திருந்தனர். பின்னர் காலை முதல் அனைத்து பக்தர்களுக்கும் சிறப்பான முறையில் அன்னதானம் நடைபெற்றது.