IPL 2022, Closing Ceremony Pics: ஜெர்ஸி கின்னஸ் சாதனை... ஏ.ஆர் ரஹ்மான்... கிரிக்கெட்! கலைகட்டிய ஐபிஎல் நிறைவு விழா!

விறுவிறுப்பாக நடைபெற்ற ஐபிஎல் தொடர் இன்றுடன் நிறைவு பெற உள்ளது. இன்று அகமதாபாத்தில் நடைபெறும் இறுதிப் போட்டியில் குஜராத் டைட்டன்ஸ் மற்றும் ராஜஸ்தான் ராயல்ஸ் அணிகள் மோதுகின்றன.

இறுதிப் போட்டிக்கு முன்பாக ஐபிஎல் தொடரின் நிறைவு விழா நடைபெற்றது. அதில் பாலிவுட் நடிகர் ரன்வீர் சிங் 83 திரைப்பட பாடலுடன் தன்னுடைய நடனத்தை தொடங்கினார்.

அதன்பின்னர் அவர் மாஸ்டர் திரைப்பட்டத்தின் பாடல் மற்றும் கே.ஜிஎஃப் திரைப்படத்தின் பாடல் உள்ளிட்டவற்றிற்கு நடனமாடினார்.

அதைத் தொடர்ந்து இசைப்புயல் ஏ.ஆர்.ரஹ்மான் தன்னுடைய இசை நிகழ்ச்சியை நடத்தினார். அவரும் சில தமிழ் பாடல்களை பாடி அசத்தினார்.

இந்த கலை நிகழ்ச்சிகளுக்கு முன்பாக உலகிலேயே நீளமான ஜெர்ஸி ஒன்று ஆடுகளத்திற்கு கொண்டு வரப்பட்டது. இதன்மூலம் ஒரு கின்னஸ் உலக சாதனை படைக்கப்பட்டது.

முதல் ஐபிஎல் தொடரில் களமிறங்கியுள்ள குஜராத் அணி இறுதிப் போட்டிக்கு முன்னேறி அசத்தியுள்ளது. அதேபோல் முதல் ஐபிஎல் தொடருக்கு பிறகு 14 ஆண்டுகளுக்கு பிறகு ராஜஸ்தான் இறுதிப் போட்டிக்கு முன்னேறியுள்ளது.