Katrina Kaif in CSK : சென்னை சூப்பர் கிங்ஸ் அணியில் இணையும் நடிகை கத்ரினா கைஃப்..?

17 ஆவது ஐ.பி.எல் தொடர் இன்னும் சில வாரங்களில் தொடங்க உள்ளது. இதனை அடுத்து பல அணிகள் தங்கள் ஸ்பான்சர்கள், ஜெர்ஸிகளை அறிவித்து வருகின்றனர்.

கடந்த சில நாட்களுக்கு முன்னதாக சி.எஸ்.கே அணியின் புதிய ஜெர்ஸியை சில வீரர்கள் முன்னிலையில் வெளியிட்டனர்.

அதனை தொடர்ந்து சி.எஸ்.கே அணியின் டைட்டில் ஸ்பான்சராக ஐக்கிய அமீரகத்தின் எதிஹாட் ஏர்வேஸ் நிறுவனத்துடன் ஒப்பந்தம் செய்யப்பட்டது.

நடிகை கதரினா கைஃப், எதிஹாட் ஏர்வேஸ் நிறுவனத்தின் விளம்பர தூதராக இருந்து வருகிறார்.

இதனை அடுத்து சி.எஸ்.கே அணியின் விளம்பர தூதராகவும் நடிகை கத்ரினாவே ஒப்பந்தம் ஆகி உள்ளதாகவும் தகவல் வெளியாகி உள்ளது.

ஐ.பி.எலின் முதல் சீசனில் சி.எஸ்.கே அணியின் விளம்பர தூதராக நடிகர் விஜய் இருந்தார், அதன் பிறகு தோனியே இத்தனை வருடங்களாக விளம்பர தூதராக இருந்தார் என்பது குறிப்பிடத்தக்கது.