சர்வதேச போட்டியில் அதிரடி காட்டிய கிறிஸ்டியானோ ரொனால்டோ!

கால்பந்தாட்ட ரசிகர்கள் எதிர்பார்ப்புக்கு மத்தியில் நேற்று யுரோப்பியன் 2024 சாம்பியன் தகுதி சுற்றில் கால்பந்தாட்ட ஜாம்பவான் கிறிஸ்டியானோ ரொனால்டோ இடம்பெற்றுள்ள போர்ச்சுக்கல் அணியும் யுஎஸ்ஏ கால்பந்தாட்ட அணியும் நேற்று மோதின.

இந்தப் போட்டியில் போர்ச்சுக்கல் அணி மூன்றுக்கு இரண்டு என்ற விகிதத்தில் யூஎஸ்ஏ அணியை வீழ்த்தியது. ‘ரொனால்டோவின் சகாப்தம் முடிந்து விட்டது. அவரின் பாட்ஷா யுரோப்பில் பலிக்காததால் அவர் சவுதி லீகில் தற்போது விளையாடிக் கொண்டிருக்கிறார்’ என பலர் விமர்சித்தனர்.

ரொனால்டோ சவுதி கால்பந்து லீகின் உயரிய சேம்பியன் பட்டமான சவுதி லீக் சாம்பியன்ஷிப் பட்டத்தை அல்நாசர் அணிக்காக விளையாடி பெற்றுத் தந்தார். இவரால், கிரிக்கெட் கிரிக்கெட் என சுற்றி வந்தவர்களும் கால்பந்து விளையாட்டின் மீது ஆர்வம் செலுத்த தொடங்கியுள்ளனர்.

இதற்கிடையில் நேற்று நடைபெற்ற சர்வதேச கால்பந்தாட்ட போட்டியில் யூஎஸ்ஏ அணிக்கு எதிராக கிறிஸ்டியானோ ரொனால்டோ தொடர்ந்து இரண்டு கோல்களை அடித்து ஆட்டத்தின் போக்கையும் போர்ச்சுக்கல் அணியின் வெற்றியையும் தீர்மானித்தார்.

‘அவருக்கு வயது 38 ஆகிவிட்டது. ரொனால்டோவின் பயணம் முடிய போகிறது’என்ற விமர்சனங்களுக்கு அவரின் பைசைக்கிள் கிக் முற்றுப்புள்ளி வைத்தது. இதற்கு மத்தியில் யூரோ சாம்பியன்ஸ் லீகில் போர்ச்சுக்கல் அணி தகுதி பெற்றுள்ளது.

யூரோ லீக்கில் கிறிஸ்டியானோ ரொனால்டோ மீண்டும் திமிரி எழுவார் என அவரது ரசிகர்கள் சமூக வலைதளங்களில் பதிவிட்டு வருகின்றனர்.