TSK vs SEO: புள்ளிப்பட்டியலில் டெக்சாஸ் சூப்பர் கிங்ஸ் அணியை பின்னுக்கு தள்ளிய சியாட்டில் ஆர்காஸ்!

மேஜர் லீக் கிரிக்கெட் தொடரின் 10 வது போட்டியில் சியாட்டில் ஆர்காஸ் அணியும் டெக்சாஸ் சூப்பர் கிங்ஸ் அணியும் நேருக்கு நேர் மோதின. இதில் டாஸ் வென்ற சியாட்டில் ஆர்காஸ் அணியின் கேப்டன் முதலில் பந்துவீசுவதாக கூறினார்.

முதல் இன்னிங்ஸில் வீசிய முதல் பந்திலேயே டெவோன் கான்வே தனது விக்கெட்டை பறிகொடுத்தார். பின்னர் வந்த டேவிட் மில்லர் (8), மிலிந்த் குமார் (1), மிட்செல் சான்ட்னர் (2) என்று ஒற்றை ரன்களில் விக்கெட்டை சியாட்டில் ஆர்காஸ்  அணியிடம் தாரை வார்த்தது.

நிலைமையை புரிந்து கொண்டு களமிறங்கிய பிராவோ மற்றும் டேனியல் சாம்ஸ் நிதானமாகவே ஆட தொடங்கின. இறுதியில் 20 ஓவர் முடிவில் அனைத்து விக்கெட்டையும் இழந்து 127 ரன்கள் எடுத்தது டெக்சாஸ் சூப்பர் கிங்ஸ்.

128 ரன்களை இலக்காக கொண்டு சியாட்டில் ஆர்காஸ் அணியின் தொடக்க ஆட்டக்காரர் டி காக் மற்றும் நௌமான் அன்வர் களமிறங்கினர். இருவரின் பார்ட்னர்ஷிப் 67 ரன்களை வரை தொடர்ந்தது.

நௌமான் அன்வர் 32 பந்துகளை எதிர்கொண்டு 1 பவுண்டரிகளுடன் 19 ரன்னில்  மிட்செல் சான்ட்னர் பந்தில் அவுட் ஆனார். பின்னர் வந்த ஹென்ரிச் கிளாசன் டி காக் உடன் கைகோர்த்து சூப்பர் கிங்ஸ் அணியின் பந்தை நாளாப்புறம் சிதரடித்தார்.

சிறப்பாக ஆடிய இருவரால் ஆட்டம் 16 வது ஓவரிலையே முடிவுக்கு வந்தது. 128 ரன்கள் எடுத்து சியாட்டில் ஆர்காஸ் வெற்றி பெற்றது. இந்த ஹாட்ரிக் வெற்றியுடன் டெக்சாஸ் சூப்பர் கிங்ஸ் அணியை புள்ளிப்பட்டியில் கீழே தள்ளி முதல் இடத்திற்கு முன்னேறியது  சியாட்டில் ஆர்காஸ்.