Ban Vs Ind : அபாரமாக ஆடி அசத்தலான வெற்றி பெற்ற இந்திய மகளிர் அணி!
நேற்று ஷேர் பங்களா நேஷனல் ஸ்டேடியத்தில் இந்திய அணிக்கும் வங்கதேச அணிக்கும் இரண்டாவது ஒருநாள் போட்டி நடைபெற்றது. இதில் டாஸ் வென்ற வங்கதேச அணியின் கேப்டன் நிகர் சுல்தானா இந்திய அணியை முதலில் பேட்டிங் செய்ய அழைத்தார்.
Download ABP Live App and Watch All Latest Videos
View In Appஇந்திய அணி சார்பில் தொடக்க ஆட்டக்காரர்களாக ஸ்மிருதி மந்தனா மற்றும் பிரியா புனியா களமிறங்கினர். இருவரும் சிறப்பான தொடக்கத்தை கொடுப்பார்கள் என்று எதிர்பார்த்த நிலையில் 7 ரன்களுடன் பிரியா புனியா மருபா அக்தர் பந்தில் ஆட்டமிழந்தார்.
பின்னர் ஹர்மன்பிரீத் கவுருடன் கைகோர்த்தார் ஜெமிமா ரோட்ரிக்ஸ்.இருவரும் அதிரடியாக ஆடி அரைசதம் எடுத்தனர்
50 ஓவர் முடிவில் இந்திய அணி 8 விக்கெட் இழப்பிற்கு 228 ரன்கள் எடுத்திருந்தது. அதிகபட்சமாக ஜெமிமா ரோட்ரிக்ஸ் 78 பந்துகளை எதிர்கொண்டு 9 பவுண்டரிகளுடன் 86 ரன்கள் எடுத்திருந்தார்.
229 ரன்கள் எடுத்தால் வெற்றி என்ற இலக்குடன் களமிறங்கிய வங்கதேச அணிக்கு ஆரம்பமே அதிர்ச்சி காத்திருந்தது. தொடக்க ஆட்டக்காரர்கள் அடுத்தடுத்து ஆட்டமிழந்து பெவிலியன் திரும்பினர்.
இந்திய அணியின் சிறப்பான பந்தை எதிர்கொள்ள முடியாமல் வந்தவர் அனைவரும் ஒற்றை ரன்களுடன் பெவிலியன் திரும்பினர். இதனால் 35.1 ஓவரில் அனைத்து விக்கெட்டையும் இழந்து 108 ரன்கள் மட்டுமே எடுத்தது வங்கதேசம் . இந்த வெற்றியின் மூலம் 1-1 என்ற கணக்கில் இரு அணிகளும் சமநிலையில் உள்ளது.