IND Vs IRE : சூப்பர் கம்-பேக் கொடுத்த பும்ரா.. முதல் போட்டியை வென்ற இந்தியா!

இந்தியா- அயர்லாந்து அணிக்கு எதிரான மூன்று டி20 தொடரின் முதல் போட்டி நேற்று இரவு 7:30 மணிக்கு தொடங்கியது. இதில் டாஸ் வென்ற இந்திய அணியின் கேப்டன் பும்ரா, வானம் சற்று மேகமூட்டத்துடன் காணப்பட்டதால் பந்துவீச்சை தேர்வு செய்தார்.

இதனால் முதலில் பேட்டிங் செய்ய வந்த அயர்லாந்து அணிக்கு ஆரம்பமே அதிர்ச்சி காத்திருந்தது. முதல் ஓவரை வீசிய பும்ரா தொடக்க ஆட்டக்காரர் ஆண்டி பால்பிர்னையும் பின்னர் வந்த லோர்கன் டக்கர் அடுத்தடுத்து ஆட்டமிழக்க செய்தார்.

இந்திய அணியின் சிறப்பான பந்து வீச்சால் வந்தவர்கள் அனைவரும் அடுத்தடுத்து ஆட்டமிழந்தனர்.

59 ரன்களில் 6 விக்கெட்டை இழந்து தடுமாறி கொண்டிருந்த அயர்லாந்து அணியை பேரி மெக்கார்த்தி மற்றும் கர்டிஸ் கேம்பர் ஆகியோர் சேர்ந்து நல்ல நிலைக்கு கொண்டுவந்தனர்.

20 ஓவர் முடிவில் 7 விக்கெட்டை இழந்து 139 ரன்கள் மட்டுமே எடுத்தது அயர்லாந்து. அதிகபட்ச்சமாக பேரி மெக்கார்த்தி 51 ரன்கள் எடுத்திருந்தார்.

பின்னர் களமிறங்கிய இந்திய அணியின் தொடக்க ஆட்டக்காரர்கள் சிறப்பாக ஆடி வந்தனர். ஆட்டம் தொடங்கிய சில நிமிடத்திலேயே மழை குறிக்கிட்டதால் ஆட்டம் பாதியில் நிறுத்தப்பட்டு டக்வொர்த் லீவிஸ் முறைப்படி இந்திய அணி வெற்றி பெற்றதாக அறிவிக்கப்பட்டது.