ஆஸ்கர் வென்ற குறும்படத்தின் நாயகனுக்கு உதவி கரம் நீட்டிய தமிழக அரசு!

முதுமலையில் யானைகளை பராமரிக்கும் பொம்மன் – பெள்ளி – குட்டி யானைகளின் உறவை மிக அழகாக காட்டியிருந்த தி எலிபெண்ட் விஸ்பரர்ஸ் படத்திற்கு ஆஸ்கர் விருது கிடைத்தது.

முதலமைச்சர் மு.க.ஸ்டாலின் பொம்மன் – பெள்ளி தம்பதியை நேரில் அழைத்து வாழ்த்து தெரிவித்தார். மேலும், தம்பதிகள் இருவரையும் பாராட்டி தலா ரூபாய் 1 லட்சத்திற்கான காசோலையையும் வழங்கினார்.

மேலும் வனத்துறையில் பணியாற்றி வரும் 91 யானை பாகன்கள் மற்றும் உதவியாளர்களுக்கு தலா ஒரு இலட்சம் வழங்க தமிழ்நாடு முதலமைச்சர் உத்தரவு பிறப்பித்தார்

அவர்கள் அனைவருக்கும் தலா பத்து இலட்சம் ரூபாய் மதிப்பீட்டில் வீடுகள் கட்டித் தரவும் உத்தரவிட்டுள்ளார்.

யானை பராமரிப்பாளர்களாகிய இவர்களின் பயன்பாட்டிற்கு உகந்த வீடுகள் கட்ட ரூபாய் 9.10 கோடி நிதி உதவியை அரசு வழங்கும் எனவும் அறிவித்துள்ளார்.

சுற்றுலாத்துறை அமைச்சர் மதிவேந்தன் உடன் அரசின் கூடுதல் தலைமைச் செயலாளர் திருமதி. சுப்ரியா சாகு அவர்களும், வனத்துறை அதிகாரிகளும், பொம்மன், பெல்லி உள்ளிட்ட பாகன்களும் கலந்து கொண்டு சிறப்பித்தனர்.