Watermelon Skin Care:சருமம் பொலிவுடன் இருக்க தர்பூசணி சாறு பயன்படுத்துங்க - இதோ டிப்ஸ்!

தர்பூசணியின் ஒரு கீற்றில் ஒரு நாளுக்கு உடலுக்குத் தேவையான 16 சதவிகித வைட்டமின் சி கிடைத்து விடுகிறது. வைட்டமின் சி எதிர்ப்புத் திறனை உறுதிபடுத்த உதவும்.

தர்பூசணியை அரைத்து, அதில் சிறிது எலுமிச்சை பழச்சாறு சேர்த்து கலந்து அதனை முகத்தில் தடவி உலர வைத்து வெதுவெதுப்பான நீரில் கழுவிட வேண்டும். இதனால் சருமம் பொலிவோடு இருக்கும்.

சருமத்தில் சுருக்கங்கள் அதிகம் இருந்தால் தர்ப்பூசணியை அரைத்து முகத்தில் தடவி அரை மணி நேரம் ஊற வைத்து வெதுவெதுப்பான நீரில் கழுவ வேண்டும்.

தர்பூசணியை உட்கொண்டால் உடல் வறட்சி அடையாமல் இருப்பதுடன் அடிக்கடி பசி ஏற்படுவதையும் தடுக்கும். இதனால் உடல் எடை அதிகரிக்காது.

சரும ஆரோக்கியத்திற்கு செயற்கையான க்ரீம்கள் போன்றவற்றை பயன்படுத்துவதை விட சரிவிகித உணவு, சீரான உடற்பயிற்சி செய்வது அவசியம்.