Kasi Halwa : பூசணிக்காய் இருக்கா..? அப்போ இந்த சுவையான காசி அல்வா செய்து பாருங்கள்!

தேவையான பொருட்கள் : பூசணிக்காய் - 3 1/2 கப் துருவியது, சர்க்கரை - 1 கப், ஏலக்காய் தூள் - 1/2 தேக்கரண்டி, முந்திரி பருப்பு , காய்ந்த திராட்சை, நெய் - 2 மேசைக்கரண்டி, மஞ்சள் புட் கலர்

செய்முறை: முதலில் ஒரு பானில் நெய் சேர்த்து, முந்திரி பருப்பு, காய்ந்த திராட்சை இரண்டையும் வறுத்து வைத்து கொள்ளவும். அடுத்து ஒரு பூசணிக்காயை நறுக்கி, விதைகளை நீக்கி துருவவும். பின்பு ஒரு வடிகட்டி வைத்து அதில் உள்ள நீரை வடிகட்டவும்.

ஒரு அகலமான பானில் துருவிய பூசணிக்காயை சேர்த்து மிதமான தீயில் வதக்கவும். பின்பு அதை 15 நிமிடம் வேகவிடவும். காய் நன்கு வெந்ததும் சர்க்கரை சேர்த்து கலந்து விடவும். அடுத்து ஏலக்காய் தூள் சேர்த்து கலந்து விடவும்.

சர்க்கரை நன்கு கரைந்ததும் நெய் சேர்த்து நன்கு கலந்து விடவும். பிறகு மஞ்சள் புட் கலர் சேர்த்து கலந்து விடவும்.

அடுத்து வறுத்த முந்திரி பருப்பு, காய்ந்த திராட்சை மற்றும் நெய் சேர்த்து கலந்து விடவும்.

அவ்வளவு தான் அருமையான காசி அல்வா தயார்.