Corn Pulao : அசத்தலான லஞ்ச் பாக்ஸ் ரெசிபி..இந்த சோள புலாவை இன்றே செய்திடுங்கள்!

தேவையான பொருட்கள் : சோள முத்துகள் - 180 கிராம், நெய் - 2 மேசைக்கரண்டி, ஏலக்காய் - 3, பட்டை - 1 துண்டு, கிராம்பு - 4, அன்னாசிப்பூ - 1, சீரகம் - 1/2 தேக்கரண்டி, பெரிய வெங்காயம் - 2 மெல்லியதாக நறுக்கியது, பச்சை மிளகாய் - 2 நறுக்கியது, இஞ்சி பூண்டு விழுது - 1 தேக்கரண்டி தட்டியது, உப்பு - 1 தேக்கரண்டி, பாஸ்மதி அரிசி - 1 கப், நீர் சேர்த்த தேங்காய் பால் - 1 கப்

செய்முறை : முதலில் பிரஷர் குக்கரில் தண்ணீர் ஊற்றி, சோள முத்துக்களை போட்டு 2 விசில் வரும் வரை மிதமான சூட்டில் வேக வைக்கவும். பிறகு பிரஷர் குக்கரில் நெய் ஊற்றி, இதில் பட்டை, கிராம்பு, ஏலக்காய், அன்னாசி பூ மற்றும் பிரியாணி இலை சேர்க்கவும்.

அடுத்து வெங்காயம் மற்றும் பச்சை மிளகாய் சேர்த்து வதக்கவும். வெங்காயம் பாதி வதங்கியதும் இதில் தட்டிய இஞ்சி பூண்டு விழுதை சேர்த்து வதக்கவும்.

வேக வைத்த சோள முத்துக்களை வடிகட்டி வெங்காயத்துடன் சேர்த்து, தேவையான அளவு உப்பு போட்டு கிளறவும்.

இதனுடன் பாஸ்மதி அரிசியை சேர்த்து கிளறி, ஒரு கப் சிறிது நீர் சேர்த்து தேங்காய்ப்பால் மற்றும் ஒரு கப் வேகவைத்து வடிகட்டிய தண்ணீர் சேர்க்கவும்.

குக்கரை மூடி, ஆவி வந்ததும், வெயிட்டை போட்டு மிதமான சூட்டில் 2 விசில் வரும் வரை வேக வைக்கவும். சோளம் புலாவ் தயார்.