Paneer Manchurian Recipe : காரசாரமான பன்னீர் மன்சூரியன்..சூப்பரான சைட் டிஷ்ஷை இன்றே செய்யுங்க!

தேவையான பொருட்கள் : பன்னீரை பொரிப்பதற்கு : பன்னீர் - 400 கிராம், மைதா - 2 தேக்கரண்டி, சோள மாவு - 4 தேக்கரண்டி, உப்பு - 1/2 தேக்கரண்டி, மிளகு தூள் - 1/2 தேக்கரண்டி, மிளகாய் தூள் - 1 தேக்கரண்டி, தண்ணீர், எண்ணெய் - பொரிப்பதற்கு. பன்னீர் மஞ்சூரியன் செய்ய : எண்ணெய் - 3 தேக்கரண்டி, பூண்டு - 1 மேசைக்கரண்டி நறுக்கியது, இஞ்சி - 1 மேசைக்கரண்டி நறுக்கியது, வெங்காயம் - 1 நறுக்கியது, மிளகாய் தூள் - 2 தேக்கரண்டி, மிளகு தூள் - 1/2 தேக்கரண்டி, தக்காளி கெட்சப் - 1/2 கப், சோயா சாஸ் - 2 தேக்கரண்டி, தண்ணீர், சோளமாவு கலவை - 1/2 கப், வெங்காயத்தாள் வெங்காயம், வெங்காயத்தாள் கீரை.

செய்முறை: முதலில் பன்னீரை நீளவாக்கில் நறுக்கி கொள்ளவும். அடுத்து ஒரு பாத்திரத்தில் மைதா, சோள மாவு, உப்பு, மிளகு தூள், மிளகாய் தூள் ஆகியவற்றுடன் சிறிது சிறிதாக தண்ணீர் சேர்த்து கலந்து நறுக்கிய பன்னீரை சேர்த்து மீண்டும் கலக்கவும்.

பிறகு கடாயில் எண்ணெய் ஊற்றி, எண்ணெய் சூடானதும் மசாலாவில் கலந்த பன்னீரை சேர்த்து பொரிக்கவும். அடுத்து ஒரு பானில் எண்ணெய் ஊற்றி, நறுக்கிய பூண்டு, இஞ்சி சேர்த்து வதக்கவும். அடுத்து நறுக்கிய வெங்காயம் சேர்த்து 3 நிமிடம் வதக்கவும்.

பின்பு மிளகாய் தூள், மிளகு தூள் சேர்த்து கலக்கவும். அடுத்து தக்காளி கெட்சப், சோயா சாஸ் சேர்த்து மிதமான தீயில் கலக்கவும். பின்பு தண்ணீர் சேர்த்து 2 நிமிடம் வேகவிடவும்.

பிறகு சோளமாவு கலவையை சேர்த்து கலந்து விடவும். பொரித்த பன்னீரை சேர்த்து கலந்து விட்டு, வெங்காயத்தாள் வெங்காயம், வெங்காயத்தாள் கீரை சேர்த்து மீண்டும் கலந்து விடவும்.

அவ்வளவுதான் சுவையான பன்னீர் மஞ்சூரியன் தயார்!