Corn Cutlet Recipe : சோளம் இருந்தால் போதும்.. மொறுமொறுப்பான கார்ன் கட்லெட்டை செய்து விடலாம்!

கார்ன் கட்லெட் செய்ய தேவையான பொருட்கள் : ஸ்வீட் கார்ன் - 2 வேகவைத்தது, வெங்காயம் - 1 நறுக்கியது, குடைமிளகாய் - 1/2 நறுக்கியது, கேரட் - 1 துருவியது, இஞ்சி - 1 துண்டு துருவியது, பூண்டு - 6 பற்கள், பச்சை மிளகாய் - 3 நறுக்கியது, உப்பு - 1 தேக்கரண்டி , மஞ்சள் தூள் - 1/4 தேக்கரண்டி, காஷ்மீரி மிளகாய் தூள் - 2 தேக்கரண்டி, சீரக தூள் - 1 தேக்கரண்டி, கொத்தமல்லி தூள் - 1 தேக்கரண்டி, பெருங்காய தூள் - 1/4 தேக்கரண்டி, கரம் மசாலா தூள் - 1 தேக்கரண்டி, ஆம்சூர் தூள் - 1 தேக்கரண்டி, கடலை மாவு -1 கப், அரிசி மாவு - 1/4 கப், கொத்தமல்லி இலை, எண்ணெய் - பொரிப்பதற்கு

செய்முறை விளக்கம் : சமைத்த ஸ்வீட் கார்னை மிக்சி ஜாரில் எடுத்து கொரகொரப்பாக அரைக்கவும். அதனுடன் பொடியாக நறுக்கிய வெங்காயம், குடைமிளகாய், இஞ்சி, பச்சை மிளகாய், துருவிய கேரட், இஞ்சி, பூண்டு சேர்க்கவும்.

அடுத்து உப்பு, மஞ்சள் தூள், காஷ்மீரி சிவப்பு மிளகாய் தூள், சீரக தூள், மல்லி தூள், பெருங்காய தூள், கரம் மசாலா தூள், ஆம்சூர் தூள், கடலை மாவு, அரிசி மாவு, நறுக்கிய கொத்தமல்லி இலைகள் சேர்த்து மாவை நன்கு கலக்கவும்.

உள்ளங்கைகளுக்கு எண்ணெய் தடவி, ஸ்வீட் கார்ன் கலவையை எடுத்து கட்லெட் வடிவில் தட்டி கொள்ளவும். அனைத்து கட்லெட்டுகளையும் ஒரே அளவில் தயார் செய்து தனியாக வைக்கவும். ஒரு கடாயில் பொரிப்பதற்கு எண்ணெய் ஊற்றவும்.

எண்ணெயை சூடாக்கி, தயாரிக்கப்பட்ட கட்லெட்டுகளை மெதுவாக விடுங்கள். தீயை மிதமான அளவில் வைத்து இருபுறமும் கட்லெட்டுகளை வறுக்கவும்.

கட்லெட்டுகள் பொன்னிறமாக மாறியதும், அவற்றை கடாயில் இருந்து அகற்றி, தக்காளி கெட்சப் அல்லது மயோனைஸ் உடன் சூடாக பரிமாறலாம்,