Murukku Recipe: தீபாவளி பண்டிகை - பொட்டுக்கடலை முறுக்கு செய்து அசத்துங்க! - இதோ ரெசிபி!

தீபாவளி வந்தாச்சு. பண்டிகைகால உணவு வகைகளாக என்னென்ன செய்யலாம் என்று திட்டமிடல் இருக்கா. பொட்டுக்கடலை முறுக்கு செய்து அசத்துங்க.

தேவையான பொருட்கள்: பச்சரிசி மாவு - 2 கப், பொட்டுக்கடலை -1 கப், பெருங்காயத்துாள் - ஒரு சிட்டிகை, வெண்ணெய் -2 மேஜை கரண்டி, எள் -1 தேக்கரண்டி, சீரகம் - 1 தேக்கரண்டி, தண்ணீர், உப்பு, எண்ணெய் - தேவையான அளவு.

பொட்டுக் கடலையை வறுத்து, மிக்ஸியில் பொடியாக அரைத்து சலித்துக் கொள்ளவும்.

இத்துடன் அரிசி மாவு, வெண்ணெய், பெருங்காயம், சீரகம், எள் மற்றும் உப்பு சேர்த்து கலக்கவும். பின், கொஞ்சம் கொஞ்சமாக தண்ணீர் சேர்த்து, மாவு பதத்திற்கு பிசையவும்

இம்மாவை முறுக்கு நாழியில் போட்டு, சூடான எண்ணெயில் பிழிந்து எடுக்கவும்.