Health Tips: அதிகமாக டீ, காஃபி குடிக்கும் பழக்கத்தை மாற்றும் திட்டமா? இதைப் படிங்க!

காஃபி, டீ இரண்டிலும் காஃபைன் இருக்கிறது. இதை குடித்தால் மூளை புத்துணர்ச்சியாக உணரும் என்பது உண்மைதான். இருந்தாலும், அளவுக்கு அதிகமாக குடிக்க கூடாது.

நாளொன்றுக்கு ஒரு நபர் 100 மில்லி கிராம் முதல் அதிகபட்சமாக 400 மில்லி கிராம் வரை காஃபி, டீ சாப்பிடலாம். ஆனால், குறிப்பிட்ட அளவை விட அதிகமாக குடிக்கும்போது பிரச்சனைகள் ஏற்பட வாய்ப்புள்ளது.

ஒரு நாளைக்கு 4 கப்களுக்கு மேல் டீ, காபி குடிப்பவர்களுக்கு பசியின்மை, சர்க்கரை அதிகமாக சாப்பிடுவது உள்ளிட்ட பல்வேறு சிக்கல் எற்படலாம். ஆனாலு, அளவை குறைக்க நினைப்பவர்கள் ஒரு நாள் முழுக்க காஃபி, டீ குடிக்கவில்லை எனில் பிரச்சனை இருக்கிறது.

அடிக்கடி காஃபி, டீ குடிப்பவர்கள் திடீரென ஒரு நாளில் குடிக்காமல் இருந்தால் மூளையின் செயல்பாட்டில் மாற்றங்கள் நிகழும். அதனாலேயே தலைவலி ஏற்படும்.

அதிகமாக டீ குடிக்க வேண்டாம் என முடிவெடுத்தால், அவற்றின் அளவை கொஞ்சம் கொஞ்சமாக குறைத்து அதன்பின் மொத்தமாக விடுவது நல்லது.

ப்ளாக் டீ, ஹெர்பல் டீ, ப்ளாக் காஃபி உள்ளிட்டவற்றை அருந்தலாம்.