Hair Fall : தலை முடி அதிகமா உதிர்கிறதா? உங்களுக்கான வீட்டு வைத்தியம் இதோ!

கரிசாலை இலை, காய்ந்த நெல்லிக்காய், அதிமதுரம் ஆகியவற்றை அரைத்து தலையில் தேய்த்து குளித்து வர முடி உதிர்தல் குறையலாம் .

நில அவரை இலையை அரைத்து, முடி உதிரும் இடங்களில் தேய்த்து வந்தால் முடி உதிர்தல் குறையலாம்.

சின்ன வெங்காயத்தை அரைத்து, சாறு பிழிந்து முடி கொட்டிய இடத்தில் தடவி 15 நிமிடம் கழித்து குளித்து வந்தால் தலை முடி அடர்த்தியாக வளரலாம்.

செம்பருத்திப் பூவை அரைத்து வாரம் ஒரு முறை தலைக்கு தேய்த்து குளித்து வந்தால் முடி உதிர்தல் குறையலாம்.

பொன்னாங்கண்ணி சாறு, கரிசலாங்கண்ணி சாறு, தேங்காய் எண்ணெயை சமமாக எடுத்து நீர் வற்ற காய்ச்சி தலைக்கு தேய்த்து குளித்து வந்தால் முடி வளரலாம்

சின்ன வெங்காயம் மற்றும் செம்பருத்தி பூவை சேர்த்து அரைத்து தலையில் தேய்த்து குளித்து வந்தால் தலை முடி அடர்த்தியாக வளரலாம்