Kollu Dosai Recipe : சத்துகள் நிறைந்த சுவையான கொள்ளு தோசையை நிச்சயம் ட்ரை செய்யுங்கள்..!

தேவையான பொருட்கள் : பச்சரிசி - 1 கப், கொள்ளு - 1/2 கப், உளுத்தம் பருப்பு - 1/4 கப், வெந்தயம் - 1 தேக்கரண்டி, அவல் - 1/4 கப், உப்பு - 1 தேக்கரண்டி, தண்ணீர், எண்ணெய், நெய்.

செய்முறை : முதலில் ஒரு பாத்திரத்தில் பச்சரிசி, கொள்ளு, உளுத்தம் பருப்பு, வெந்தயம் சேர்த்து நன்கு கழுவி 4 மணிநேரம் ஊறவிடவும்.

பின்பு அவலை கழுவி அரைப்பதற்கு 30 நிமிடம் முன்பு ஊறவிடவும்.

பிறகு தோசை மாவு பதத்திற்கு அரைத்து உப்பு சேர்த்து கலந்து 8 மணிநேரம் புளிக்கவிடவும்.

பின்பு மாவை நன்கு கலந்துவிட்டு, தோசை கல்லில் எண்ணெய் தேய்த்து சிறிதளவு மாவை ஊற்றி தேய்க்கவும்.

பின் சுற்றிலும் நெய் ஊற்றி பொன்னிறமானதும் மறுபக்கம் திருப்பி விட்டு வேகவிடவும். அவ்வளவு தான் அசத்தலான கொள்ளு தோசை தயார்!