Tips for Making Curd:வீட்டிலேயே கெட்டித் தயிர் தயார் செய்ய சில டிப்ஸ்!

சப்பாத்தி, தோசை, சோறு, பிரியாணி, வெஜிடபிள் ரைஸ் என எதுவானாலும் தயர் இருக்க வேண்டும் என்ற தயிர் பிரியர்களுக்கு வீட்டில் எப்போதும் தயிர் இருந்தாக வேண்டும். கடைகளில் வாங்கும் தயிரை விட வீட்டிலேயே பால் காய்ச்சி தயிர் செய்வது ஆரோக்கியமானது.

பாலைவிட தயிரில் அதிக நல்ல பாக்டீரியாக்கள் நிறைந்துள்ளன. கெட்டித் தயிர் வேண்டும் என்று விரும்புபவர்களுக்கு சில டிப்ஸ். பனிக்காலம், குளிர்காலத்தில் தயிர் உறைய வைப்பது என்பது சற்று சவாலானது. கோடை காலத்தில் குறுகிய நேரத்திலேயே தயிர் உறைந்துவிடும்.

தயிர் கெட்டியாக இருக்க வேண்டும் என்றால் முழு கொழுப்பு நிறைந்த பால் பயன்படுத்த வேண்டும். பால் நன்றாக கொதித்து சுண்டும் அளவிற்கு வரவேண்டும். நன்றாக காய்ச்சி ஆறிய பாலில் சிறிதளவு தயிர் சேர்த்து நன்றாக கலக்கவும்.

நன்றாக காய்ச்சி ஆற வைத்த பாலை நன்றாக பீட் செய்யவும். பால் கொதிக்க வைக்கும்போது பாலாடையை சேர்த்து தயிர் தயாரிக்கும்போது சேர்க்கலாம்.

மிதமான சூட்டில் தயிர் உறைய வைப்பது நல்லது. மண் பாத்திரத்தில் தயிர் தயாரிப்பது நல்லது. தயிர் தயாரிக்கும் ப்ராசஸில் அதை தொந்தரவு செய்ய கூடாது.அப்படியே விட்டுவிட வேண்டும்.

பச்சை மிளகாய், சிவப்பு மிளகாய் மிதமான சூட்டில் உள்ள பாலில் சேர்ப்பது தயிர் விரைவாக உறைய உதவும்.