Cooking Tips : தேங்காய் சட்னி மீந்து போச்சா? இதை சேர்த்தால் மோர் குழம்பாகிவிடும்!

தேங்காய் சட்னி செய்யும் போது தேங்காய் தண்ணீரையும் சேர்த்து அரைத்தால் சட்னி சுவையாக இருக்கும்.

தேங்காய் சட்னி மீதமாகிவிட்டால், சீரகப்பொடி சிறிதளவு, நறுக்கிய பச்சை மிளகாய் 2 சேர்த்து கொதிக்க வைத்து கொள்ளவும். அதன் பிறகு பெருங்காய பொடி, 2 டீஸ்பூன் தயிர் சேர்த்து 5 நிமிடத்திற்கு அடுப்பிலிருந்து இறக்கினால் மோர் குழம்பாக மாறிவிடும்.

பூரிக்கு மாவு பிசையும் போது சிறிதளவு ரவை சேர்த்து இறுக்கமாக மாவு பிசைந்து பூரி சுட்டால் பூரி உப்பலாக வரும்.

தேங்காய், வர மிளகாய், வெந்தயம், பெருங்காயம், கடலைப்பருப்பு, மல்லி அனைத்தையும் வறுத்து பொடியாக அரைத்து சாம்பார் இறக்கும் முன் தூவிவிட்டால் சாம்பார் சுவையாக இருக்கும்.

பூரிக்கு மாவு பிசையும் போது நல்ல இறுக்கமாக பிசைந்து சீக்கிரமாக பூரி சுட வேண்டும். சப்பாத்தி மாவு பிசையும் போது சாப்டாக மாவு பிசைந்து ஊறவைத்து சப்பாத்தி செய்ய வேண்டும்.

சர்க்கரை சேர்த்து ஏலக்காவை பொடியாக அரைத்து கொண்டால் பாயாசம் செய்யும் போது பயன்படுத்திக் கொள்ளலாம்.