Kari Dosai : மணமணக்கும் மதுரை ஸ்பெஷல் கறி தோசை.. எப்படி செய்வது?

தேவையான பொருட்கள் : எண்ணெய், வெங்காயம் - 2 , பச்சை மிளகாய் - 2 , தக்காளி - 2 , இஞ்சி பூண்டு விழுது - 2 தேக்கரண்டி, கல் உப்பு - 1 தேக்கரண்டி, மஞ்சள் தூள் - 1/2 தேக்கரண்டி, மிளகாய் தூள் - 2 தேக்கரண்டி, மல்லி தூள் - 2 தேக்கரண்டி, சீரகம் தூள் - 1 தேக்கரண்டி, மிளகு தூள் - 1 தேக்கரண்டி, கரம் மசாலா - 1 தேக்கரண்டி, மட்டன் கீமா 500 கிராம், தண்ணீர், தோசை மாவு.

செய்முறை : ஒரு கடாயில் எண்ணெய் ஊற்றி சூடானதும், பொடியாக நறுக்கிய பெரிய வெங்காயம், பச்சை மிளகாய், கருவேப்பிலை சேர்த்து பொன்னிறமாக மாறும் வரை வதக்கவும்.

அடுத்தது இஞ்சி பூண்டு விழுது, நறுக்கிய தக்காளி, கல் உப்பு, மிளகாய் தூள், மல்லித்தூள், சீரகத்தூள், கரம் மசாலா, மஞ்சள் தூள், மிளகுத்தூள் சேர்த்து பச்சை மனம் நீங்கும் வரை வதக்கவும்.

அடுத்தது மட்டன் கொத்துக்கறி சேர்த்து தேவையான அளவு தண்ணீர் ஊற்றி 20 நிமிடம் கடாயை மூடி வைத்து வேக வைக்கவும்.

கறி வெந்ததும், கொத்தமல்லி இலை தூவிவிட்டு அடுப்பிலிருந்து இறக்கி எடுத்து வைத்து கொள்ளவும். அடுத்தது ஒரு கிணத்தில் முட்டையை உடைத்து ஊற்றி நன்கு கலந்து வைத்துக் கொள்ளவும்

அடுத்தது தோசை கல்லில் மாவை ஊற்றி அதன் மேல் கலக்கி வைத்த முட்டையை ஊற்றவும். அதன்பின் மட்டன் கீமா மசாலாவை தோசையின் மேல் பரப்பி விட்டு கொத்தமல்லி , மிளகுத்தூள் தூவிவிட்டு இருபுறமும் நல்ல சிவக்கும் வரை வேகவைத்து இறக்கினால் சுவையான மதுரை கறி தோசை தயார்.