Mint Chutney:சுவையான, கார சாரமான புதினா சட்னி செய்வது எப்படி ?

தேவையான பொருட்கள்: எண்ணெய் - 2 தேக்கரண்டி , கடலை பருப்பு - 2 தேக்கரண்டி, உளுத்தம் பருப்பு - 2 தேக்கரண்டி , பூண்டு - 5 பற்கள் , இஞ்சி - 1 துண்டு நறுக்கியது , புளி, சிவப்பு மிளகாய் - 5தேங்காய் - 1/2 கப், கறிவேப்பிலை - 1/2 கப், புதினா இலை - 2 கட்டு , கல் உப்பு, பெருங்காய தூள் - 1/4 தேக்கரண்டி , எண்ணெய் - 1 மேசைக்கரண்டி, உளுத்தம் பருப்பு - 1 தேக்கரண்டி, கடுகு - 1/2 தேக்கரண்டி , சீரகம் - 1/2 தேக்கரண்டி , சிவப்பு மிளகாய் - 1 , கறிவேப்பிலை

செய்முறை : கடாயில் எண்ணெய் ஊற்றி சூடானதும் கடலை பருப்பு, உளுத்தம் பருப்பு சேர்த்து 3 நிமிடங்கள் வதக்கவும்.

அதன் பிறகு பூண்டு, நறுக்கிய இஞ்சி, புளி துண்டுகள், சிவப்பு மிளகாய் மற்றும் தேங்காய் துண்டுகள் சேர்த்து மீதமான சூட்டில் 3 நிமிடம் வதக்கவும்.

அதன் பிறகு கருவேப்பிலை மற்றும் புதினா இலை சேர்த்து மீண்டும் 3 நிமிடம் வதக்கவும். அடுத்தது கல் உப்பு மற்றும் பெருங்காயத்தூள் சேர்த்து புதினா இலை சுருங்கும் வரை காத்திருக்கவும்.

புதினா இலை சுருங்கியதும் அடுப்பிலிருந்து இறக்கி 30 நிமிடத்திற்கு ஆறவிடவும். அதன் பிறகு மிக்ஸியில் சிறிதளவு தண்ணீர் சேர்த்து கெட்டியான பதத்திற்கு அரைத்து தனியாக எடுத்துக் கொள்ளவும்.

அடுத்தது, ஒரு பானில் எண்ணெய் ஊற்றி சூடானதும் உளுத்தம் பருப்பு, கடுகு, சீரகம், சிவப்பு மிளகாய் மற்றும் கறிவேப்பிலை சேர்த்து தாளித்து சட்னியில் சேர்த்தால் சுவையான ஸ்பைசி புதினா சட்னி தயார்.