Cooking Tips : சப்பாத்தி சாப்டாக வர வேண்டுமா? இதோ உங்களுக்கான டிப்ஸ்!

சப்பாத்தி மாவு பிசையும் போது ஒரு வாழைப்பழத்தை சேர்த்து பிசைந்தால் சப்பாத்தி சாப்டாக வரும்.

இட்லி பொடி அரைக்கும் போது ஒரு கைப்பிடி வேர்க்கடலையை நெய்யில் வறுத்து ஆற வைத்து பொடியுடன் சேர்த்து அரைத்தால் சுவையாக இருக்கும்.

நூடுல்ஸை சுடு தண்ணீரில் வேகவைத்த பிறகு குளிர்ந்த நீரில் 2 நிமிடம் ஊறவைத்து வடிகட்டி சமைத்தால் நூடுல்ஸ் குழையாமல் வரும்.

தேங்காய், சோம்பை மிக்ஸியில் அரைத்து சிக்கன் குழம்பு கொதித்து வரும் போது சேர்த்து கிளறிவிட்டு இறக்கினால் சுவை அட்டகாசமாக இருக்கும்.

கொழுக்கட்டை செய்ய அரிசி ஊறவைக்கும் போது ஒரு கைப்பிடி உளுந்து சேர்த்து ஊறவைத்து அரைத்தால் கொழுக்கட்டை வெடிக்காமல் வரும்.

அரிசி ஊறவைக்கும் போது இரண்டு ஐஸ் கட்டிகளை சேர்த்தால் சாதம் உதிரி உதிரியாக வரும்.