Cooking Tips : கிழங்கு வகைகளை சீக்கிரமாக வேகவைக்க இதை செய்யுங்க!

சாம்பாரில் காரம் அதிகமானால் புளியை கரைத்து சேர்க்கலாம் அல்லது பருப்பை வேகவைத்து சேர்த்து கொதிக்க விடலாம்.

கருணைக்கிழங்கு வேகவைக்கும் போது தண்ணீரில் சிறிதளவு வெல்லம் சேர்த்தால் சீக்கிரமாக வெந்துவிடும்.

கத்தரிக்காய், வெண்டைக்காய் காரக்குழம்பு செய்யும் போது ஒரு டீஸ்பூன் சீரகப்பொடி சேர்த்தால் குழம்பு ருசியாக இருக்கும்.

பாயசம் செய்யும் போது முந்திரி திராட்சையோடு பேரிச்சம்பழத்தை சின்னதாக நறுக்கி நெய்யில் வறுத்து பாயசத்தில் சேர்த்தால் சுவையாக இருக்கும்.

ரசத்தில் புளிப்பு சுவை குறைந்துவிட்டால் மாங்காய் பொடி ஒரு டீஸ்பூன் கலந்து விட்டால் புளிப்பு சுவை சரியாகிவிடும்.

கிழங்கு வகைகளை உப்பு கலந்த நீரில் 15 நிமிடம் ஊறவைத்து பிறகு சமைத்தால் சீக்கிரமாக வெந்துவிடும்.