Chapati Kothu : சுவையான முட்டை சப்பாத்தி கொத்து செய்வது எப்படி?

தேவையான பொருட்கள் : எண்ணெய், இலவங்கப்பட்டை, கிராம்பு, ஏலக்காய், வெங்காயம் - 1 , பச்சை மிளகாய் - 2 , இஞ்சி பூண்டு பேஸ்ட் - 1/4 தேக்கரண்டி, தக்காளி - 2 , மஞ்சள் தூள் - 1/4 தேக்கரண்டி, மிளகாய் தூள் - 1 தேக்கரண்டி, உப்பு, முட்டை - 5 , கொத்தமல்லி இலைகள், மிளகுத்தூள் - 1/4 தேக்கரண்டி

செய்முறை : முதலில் சப்பாத்தியை சின்ன சின்ன துண்டுகளாக நறுக்கி கொள்ளவும். அடுத்தது, கடாயில் எண்ணெய் ஊற்றி சூடானதும், பட்டை, கிராம்பு, ஏலக்காய் சேர்த்து ஒரு நிமிடம் வதக்கவும்.

அடுத்தது, பெரிய வெங்காயம் மற்றும் பச்சை மிளகாய் சேர்த்து வதக்கவும். அதன் பிறகு இஞ்சி பூண்டு விழுது மற்றும் தக்காளி சேர்த்து வதக்கி கொள்ளவும்.

வெங்காயம் பொன்னிறமாக வதங்கியதும், மஞ்சள் தூள், மிளகாய் தூள், உப்பு சேர்த்து கிளறிவிடவும். அதன் பிறகு முட்டையை உடைத்து ஊற்றி கிளறிவிடவும். அதன் பிறகு கொத்தமல்லி இலை மற்றும் மிளகு தூள் சேர்த்து கிளறவும்.

முட்டை பாதி வெந்த நிலையில், நறுக்கி வைத்துள்ள சப்பாத்தி துண்டுகளை சேர்த்து முட்டையுடன் நன்கு கிளறவும்.

சப்பாத்தி முட்டையுடன் சேர்த்த உடன் சிறிதளவு எண்ணெய் சேர்த்து கிளறிவிட்டு அடுப்பிலிருந்து இறக்கினால் சுவையான முட்டை சப்பாத்தி கொத்து தயார்