Cauliflower Cutlet :மாலை நேர ஸ்நாக்ஸ்...சுவையான காலி பிளவர் கட்லெட் செய்முறை பார்க்கலாம்...

பச்சைமிளகாய், சோம்பு, பட்டை, கிராம்பு ஆகியவற்றை மிக்சியில் சேர்த்து அரைத்து எடுத்துக்கொள்ள வேண்டும். இத்துடன் காலி பிளவரைத் துண்டுகளாக்கிச் சேர்த்து, கரகரப்பாக அரைத்து எடுத்துக் கொள்ளவும். 

முந்திரிப் பருப்பைப் பொடியாக நறுக்கி நெய்யில் வறுத்து எடுத்துக் கொள்ள வேண்டும்.

பொட்டுக்கடலை மாவுடன், அரைத்த மசாலாக் காலி பிளவர் கலவை, வறுத்த முந்திரிப் பருப்பு, உப்பு இவற்றைச் சேர்த்துச் சிறிது தண்ணீர் தெளித்துக் கெட்டியாகப் பிசைந்து எடுத்துக் கொள்ள வேண்டும்.

கட்லெட் மாவை எலுமிச்சம் பழ அளவில் உருட்டி, பின் வட்ட வடிவில் தட்டி எடுத்துக் கொள்ள வேண்டும். 

கடாயில் எண்ணெய் ஊற்றி நன்கு காய்ந்ததும், வட்ட வடிவில் தட்டி வைத்துள்ள கட்லெட் துண்டுகளை எண்ண்ணெயில் சேர்த்து நன்கு வெந்ததும் எடுக்க வேண்டும். 

இவற்றை ஒரு தட்டில் பரப்பி,  இவற்றின் மேல் ரெட்டித் தூள்களைத் தூவினால், காலி பிளவர் கட்லெட் தயார்.