Broccoli Soup: உடல் எடை பேலன்ஸ் பண்ணனுமா? ஆரோக்கியம் மேம்பட ப்ரோக்கோலி சூப்.. இதோ ரெசிப்பி

ஊட்டச்சத்து மிகுந்த ப்ரோக்கோலியில் ரைஸ், புலாவ், பகோடா, ப்ரோக்கோலி தோசை என செய்வதுபோலவே, சூப் செய்து சாப்பிடுவது நல்லது. இதனை எப்படி சமைக்கலாம் என்பதை பார்க்கலாம்.

ப்ரோக்கோலி - 1 , பூண்டு, இஞ்சி - சிறிய அளவு, ஊறவைத்த பாதாம் பருப்பு - ஒரு சிறிய கப், உப்பு தேவையான அளவு, துருவிய பாதாம் - 2 டேபிள் ஸ்பூன், எண்ணெய் -தேவையான அளவு, மிளகுத்தூள்- 2 ஸ்பூன் ஆகியவை எடுத்துக் கொள்ள வேண்டும்.

கடாய் ஒன்றில் எண்ணெய் ஊற்றி அதில் ஊறவைத்த பாதாம், ப்ரோக்கோலி, பொடியாக நறுக்கிய இஞ்சி, பூண்டு சேர்த்து நன்றாக வதக்கவும். கூடவே கொஞ்சம் தண்ணீர் சேர்த்து நன்றாக வேக விடவும்.

ப்ரோக்கோலி நன்றாக வெந்ததும் ஆற வைக்கவும். ஆறிய ப்ரோக்கோலியை மிக்ஸி ஜாருக்கு மாற்றி அரைக்கவும். ரொம்பவும் நைஸாக அரைக்க வேண்டாம். அரைக்கும்போது தண்ணீர் சேர்க்க வேண்டாம்.

துருவிய பாதாமை எண்ணெய் வறுத்து எடுக்கவும். இப்போதோ அரைத்த ப்ரோக்கோலி சாற்றை ஒரு பாத்திரத்திற்கு மாற்றி அதில் பொரித்த பாதாமை சேர்த்து கொஞ்சம் சூடு செய்து மிளகு தூள், உப்பு சேர்க்கவும்.

ப்ரோக்கோலி சூப் ரெடி. இதோடு வால்நட், முந்திரி உள்ளிட்டவைகளையும் சேர்த்து இதே முறையில் சேர்க்கலாம். தேவையெனில், கொஞ்சம் ஃப்ரெஷ்ஷான க்ரீம், தேங்காய் பால் சேர்த்தும் சூப் அருந்தலாம்.