Mother's Milk : தாய்ப்பால் அதிகமாக சுரக்க சாப்பிட வேண்டிய 5 உணவுகள்!

பிறந்த குழந்தை ஆரோக்கியமாக வளர்ச்சி பெற தாய்ப்பால் மிகவும் அவசியம். இன்றைய காலகட்டத்தில் தாய்மார்களிடம் தாய்ப்பால் சுரப்பது குறைந்து விட்டது. தாய்ப்பால் அதிகமாக சுரக்காத பட்சத்தில் Galactogogues எனப்படும் தாய்ப்பால் உற்பத்தியை அதிகரிக்கும் உணவுகளை முயற்சிக்கலாம் .

தாய்ப்பால் உற்பத்தியை அதிகரிக்க வெந்தயம் உதவலாம். வெந்தயத்தை தேவையான அளவு எடுத்து கொண்டு இரவில் 1 கிளாஸ் தண்ணீரில் ஊறவைத்து காலையில் அந்த தண்ணீரை வடிகட்டி குடித்து வரலாம்.

தாய்ப்பாலை அதிகரிக்க தாய்மார்கள் பெருஞ்சீரகத்தை டீயாக வைத்து குடிக்கலாம். இது தாய்ப்பாலின் உற்பத்தியை அதிகரிக்க செய்யலாம்

முருங்கைக்கு தாய்ப்பால் உற்பத்தியை தூண்டும் சக்தி உள்ளதாக சொல்லப்படுகிறது .முருங்கைக்காயை வாரத்தில் 3 முறை எடுத்துக்கொள்ளலாம்

மசூர் பருப்பு தாய்ப்பால் உற்பத்தியை அதிகரிக்கலாம். இந்த பருப்பை கொண்டு சூப் செய்யலாம், உணவுகளிலும் சேர்த்து சாப்பிடலாம்.

எள்ளு விதையில் கால்சியம் நிறைந்திருக்கும். கருப்பு எள்ளு, பேரீச்சம்பழம், தேங்காய் துருவல், நட்ஸ்களை சேர்த்து லட்டாக செய்து சாப்பிடலாம்.