HBD Abhirami : விருமாண்டி நடிகை அபிராமிக்கு இன்று பிறந்தநாள்!

நிகழ்ச்சி தொகுப்பாளராக தன் பயணத்தை தொடங்கிய திவ்யாவிற்கு அதன் மூலம் மலையாள சினிமாவில் நடிக்கும் வாய்ப்பு கிடைத்தது அத்துடன் அபிராமி என்ற அடையாளமும் கிடைத்தது.

அர்ஜுனுக்கு ஜோடியாக வானவில் என்ற படத்தில் நடித்து தமிழ் சினிமாவில் அறிமுகமானார். கன்னடம், தெலுங்கு படத்திலும் நடித்துள்ளார்.

மிடில் கிளாஸ் மாதவன், தோஸ்த், சமுத்திரம், சமஸ்தானம் உள்ளிட்ட குடும்பங்களுக்கான படத்தில் நடித்து வந்தார்.

கமல்ஹாசனின் விருமாண்டியில் அண்ணலட்சுமியாக நடித்திருந்தார் என சொல்வதை விட வாழ்ந்திருந்தார் என்றே சொல்ல வேண்டும்.

அதன் பின் அமெரிக்காவில் செட்டிலாகி, 10 ஆண்டுகள் கழித்து மீண்டும் சின்ன சின்ன கதாபாத்திரங்களில் நடித்து வருகிறார்.

விஸ்வரூபம், உத்தம வில்லன் படத்தில் பூஜா குமாருக்கு டப்பிங் கொடுத்தவர் இவர்தான். தற்போது தக் லைஃப் படத்தில் பிசியாக நடித்து வருகிறார் அபிராமி.