Tamil Movie Updates : ராகவா லாரன்ஸ் உடன் மீண்டும் இணையும் எஸ் ஜே சூர்யா!

பாக்கியராஜ் கண்ணன் இயக்கும் பென்ஸ் படத்தில் கதாநாயகனாக நடித்து வருகிறார் ராகவா லாரன்ஸ். இப்படத்தில் பஹத் பாசில் மற்றும் எஸ் ஜே சூர்யா முக்கியமான கதாபாத்திரத்தில் நடிக்க உள்ளதாக தகவல் பரவி வருகிறது.

திருஞானம் இயக்கத்தில் சுந்தர் சி மற்றும் அனுராக் காஷ்யப் இணைந்து நடித்துள்ள ஒன் டூ ஒன் படத்தின் டிரெய்லர் இன்று மாலை 5 மணிக்கு வெளியாகும் என படக்குழு அறிவித்துள்ளது.

மாரி செல்வராஜ் இயக்கி வரும் பைசன் படத்தில் துரு விக்ரம் நடித்து வருகிறார். தற்போது படத்தின் முதற்கட்ட படப்பிடிப்பு நிறைவடைத்துள்ளது என படக்குழு போஸ்டர் ஒன்றை வெளியிட்டுள்ளது.

சிம்பு நடிக்க இருக்கும் புதிய படத்தை எம் ஆர் மாதவன் இயக்கவுள்ளதாக கூறப்படுகிறது. இவர் இதற்கு முன் டைனோசர்ஸ் என்ற படத்தை இயக்கியுள்ளார்.

அருள்நிதி நடிக்க இருக்கும் புதிய படத்தை பிரபு ஜெயராம் இயக்கவுள்ளார். இப்படத்தை ஃபேஷன் ஸ்டுடியோ தயாரிக்கவுள்ளதாக கூறப்படுகிறது. பிரபு ஜெயராம் இதற்கு முன் “என்னங்க சார் உங்க சட்டம்” என்ற படத்தை இயக்கியுள்ளார் என்பது குறிப்பிடத்தக்கது.