Venkat Prabhu Birthday : தாய்லாந்தில் பிறந்தநாள் கொண்டாடும் வெங்கட் பிரபு.. தளபதி 68 படப்பிடிப்பிற்கு லீவ் விட்ட அர்ச்சனா!

இளையராஜாவின் தம்பி கங்கை அமரனின் மகனான வெங்கட் பிரபு சென்னை 28 படம் மூலம் இயக்குநராக அறிமுகமானார்.

இயக்குநராக அறிமுகமான முதல் படத்திலேயே பிரபலமான இவர் கோவா, மங்காத்தா என பேக் டூ பேக் ஹிட் கொடுத்தார்.

பிரியாணி, மாசு என்கிற மாசிலாமணி, சென்னை 28 - 2 போன்ற படங்கள் கலவையான விமர்சனங்களை பெற்றாலும் மாநாடு படம் நல்ல வரவேற்பை பெற்றது.

சமீபத்தில் நாக சைதன்யாவை வைத்து கஸ்டடி படத்தை இயக்கினார்.

தற்போது விஜய்யை வைத்து தளபதி 68 படத்தை இயக்கி வருகிறார். படத்தின் பூஜை முடிந்த கையுடன் ஷூட்டிங் பணிக்காக படக்குழு தாய்லாந்திற்கு பறந்து சென்றது

இந்நிலையில் தளபதி 68 படத்தின் தயாரிப்பாளர் அர்ச்சனா கல்பாத்தி, “எங்களின் ஜீனியஸ் வெங்கட் பிரபுவிற்கு பிறந்தநாள் வாழ்த்துகள். உங்களுக்கு அனைத்துமே சிறப்பாக அமைய வேண்டும் என்பதே எனது வாழ்த்து. தளபதி 68 படத்தின் ஷூட்டிங் பணிகள் பல உள்ளன. (அப்டேட் : தாய்லாந்தில் மிக முக்கியமான ஆக்‌ஷன் காட்சி படம் பிடிக்கப்பட்டு வருகிறது. நேற்று, இரவு நேரத்தில் ஷூட்டிங் நடந்தது. அதனால், பிறந்தநாள் காணும் வெங்கட் பிரபுவிற்கு இன்று விடுமுறை அளிக்கிறேன்.” என தன் ஸ்வீட் வாழ்த்தை எக்ஸ் தளத்தில் பதிவிட்டுள்ளார்.