Thalapathy 68 : வெங்கட் பிரபுவின் தளபதி 68 டைம் ட்ராவல் படமா?

லோகேஷ் கனகராஜ் இயக்கத்தில் நடிகர் விஜய் நடிப்பில் பெரும் எதிர்பார்ப்புக்கு மத்தியில் வெளியான லியோ திரைப்படம் வெளியாகி உலக அளவில் வசூல் சாதனையை படைத்து வருகிறது.

லியோ திரைப்படம் வெளியாகி ஆறு நாட்களில் 500 கோடியை வசூல் செய்திருக்கிறது என படத்தின் தயாரிப்பு நிறுவனமான செவன் ஸ்கிரீன் தயாரிப்பு நிறுவனம் சார்பில் தெரிவிக்கப்பட்டுள்ளது.

இந்நிலையில் லியோ திரைப்படத்தின் வெற்றியைத் தொடர்ந்து இயக்குநர் வெங்கட் பிரபுவுடன் கைகோர்த்துள்ளார் நடிகர் விஜய். ஏஜிஎஸ் தயாரிப்பு நிறுவனம் நடிகர் விஜய்யின் 68வது படத்தை தயாரிக்கிறது.

இத்திரைப்படத்திற்கு யுவன் சங்கர் ராஜா இசையமைக்கிறார். யோகி பாபு, பிரசாந்த் ,பிரபுதேவா உள்ளிட்ட முன்னணி நடிகர்கள் படத்தில் நடிக்க இருப்பதாக தகவல்கள் வெளியாகி இருந்த நிலையில், நேற்று விஜயதசமியை முன்னிட்டு நடிகர் விஜய்யின் 68 வது படத்தின் பூஜை சென்னையில் நடைபெற்றது. இதில் நடிகர் விஜய், பிரபுதேவா, பிரசாந்த், யோகி பாபு மற்றும் படத்தின் இயக்குநர் வெங்கட் பிரபு தயாரிப்பாளர் அர்ச்சனா கல்பாத்தி உள்ளிட்டோர் கலந்து கொண்டிருந்த காணொளி பதிவை பட குழு வெளியிட்டுள்ளது.

ஏற்கனவே லியோ படத்தின் வைப் குறையாமல் இருக்க தளபதி 68 படத்தின் பூஜை காணொளி மேலும் அவர்களை மகிழ்ச்சியில் ஆழ்த்தியுள்ளது.

இத்திரைப்படம் டைம் ட்ராவல் ஜானரில் உருவாக்கப்பட இருக்கிறது என்றும் அதனால்தான் டி ஏஜிங் டெக்னாலஜியை பயன்படுத்த படக்குழு லாஸ் ஏஞ்சல்ஸ் சென்றதாகவும் தகவல்கள் வெளியாகி வருகின்றன. மேலும் இத்திரைப்படம் அடுத்த வருடம் தீபாவளி அன்று வெளியாகலாம் என எதிர்பார்க்கப்படுகிறது.