Chaitra - Reshma Birthday : சின்னத்திரை நாயகிகள் சைத்ரா - ரேஷ்மாவிற்கு பிறந்தநாள்!

சைத்ரா ரெட்டியை பல சீரியல்களில் நாம் பார்த்திருப்போம். கன்னடம், தமிழ், தெலுங்கு என மூன்று மொழி சீரியல்களிலுமே கலக்கி வருகிறார்.

கல்யாணம் முதல் காதல் வரை, யாரடி நீ மோகினி, கயல் ஆகிய சீரியல்களில் நடித்து செம ஃபேமஸானார்.

அஜித்தின் வலிமை படத்தில் துணை கதாபாத்திரத்தில் நடித்தார். தற்போது டாப்பு குக்கு டூப்பு குக்கு நிகழ்ச்சியில் போட்டியாளராக களமிறங்கியுள்ளார்.

தெலுங்கு பட தயாரிப்பாளரின் மகளான ரேஷ்மா, வெளிநாட்டில் படிப்பை முடித்துவிட்டு சில காலம் விமான பணிப்பெண்ணாக பணிபுரிந்தார்.

அதன் பின் செய்தி நிறுவனம் ஒன்றில் தொகுப்பாளராக வேலை பார்த்து வந்தார். இதனையடுத்து இவருக்கு சீரியலில் நடிக்கும் வாய்ப்பு கிடைத்தது.

தற்போது பாக்கியலட்சுமி சீரியலில் ராதிகா எனும் கதாபாத்திரத்தில் நடித்து வருகிறார். சின்னத்திரையை தாண்டி வெள்ளித்திரையிலும் நடித்து வருகிறார்.