Diwali Release Movies: தீபாவளிக்கு வெளியாக தயாராகும் தமிழ் படங்கள் லிஸ்ட்!

ஸ்டுடியோ கிரீன்ஸ் தயாரிப்பில் சிறுத்தை சிவா இயக்கத்தில் நடிகர் சூரிய நடிப்பில் உருவாகி வரும் படம் கங்குவா. யோகி பாபு ,பாபி டோல், திஷா பாதணி ஆகியோர் நடித்து வரும் இந்த படம் தீபாவளிக்கு வெளியாக உள்ளதாக தகவல்கள் பரவி வருகிறது.

லவ் இன்சூரன்ஸ் கார்ப்பரேஷன் படத்தின் மூலம் முதன் முறையாக இணைகின்றனர் விக்னேஷ் சிவன் மற்றும் பிரதீப் ரங்கநாதன். இந்த படத்தில் எஸ் ஜே சூர்யா, யோகி பாபு, கீர்த்தி ஷெட்டி ஆகியோர் நடித்திருக்கும் இந்த படம் வருகின்ற தீபாவளிக்கு வெளியாக போவதாக கூறப்படுகிறது.

மகிழ் திருமேனி இயக்கத்தில் அஜித் குமார் நடித்து வரும் படம் விடாமுயற்சி. இந்த படத்தை லைக்கா நிறுவனம் தயாரிக்கிறது. இந்த படத்தை தீபாவளிக்கு வெளியாக உள்ளதாக நெருங்கிய சினிமா வட்டாரங்கள் தெரிவிக்கின்றனர்.

சிவகார்த்திகேயன் 23 -வது படத்தை ஏ ஆர் முருகதாஸ் இயக்கப் போவதாக கடந்த சில வாரங்களுக்கு முன்பு அறிவிப்புகள் வெளியாகி இருந்த நிலையில், இந்த படமும் தீபாவளிக்கு வெளியாகலாம் என்று கூறப்படுகிறது.

ரோமியோ பிக்சர்ஸ் தயாரிப்பில் சதிஷ் இயக்கும் படத்தில் கவின் நடிக்க உள்ளார். இந்த படத்திற்கு கிஸ் என்று தலைப்பிடப்பட்டுள்ளது. இந்த படம் வருகின்ற தீபாவளிக்கு வெளியாக உள்ளதாக தகவல் பரவிவருகிறது.