Selvaraghavan : 'நெஞ்சம் உடைந்து சிதறியது' உலகக் கோப்பை தோல்வி குறித்து இயக்குநர் செல்வராகவனின் உருக்கமான பதிவு!

ஒருநாள் உலகக் கோப்பை போட்டிகள் இந்தியாவில் நடந்து வந்த நிலையில் நேற்று நடைபெற்ற இறுதி போட்டியில் இந்தியா மற்றும் ஆஸ்திரேலியா அணிகள் மோதின.

ஆட்டத்தின் தொடக்கம் முதலே ஆதிக்கம் செலுத்திய ஆஸ்திரேலிய அணி கோப்பையையும் கைப்பற்றியது.

இதனால் இந்திய கிரிக்கெட் ரசிகர்கள் அனைவரும் சோகத்தில் மூழ்கியுள்ளனர். இந்நிலையில் திரைப்பட இயக்குநர் செல்வராகவனின் எக்ஸ் தளப்பதிவு இணையத்தில் வைரலாகி வருகிறது.

நேற்றைய இறுதிப்போட்டியை கண்ட செல்வராகவன், இந்தியா தோல்சியடைந்ததால் “நேற்று கிரிக்கெட்டில் தோற்றபிறகு அழுது கொண்டே இருந்தேன். என் குழந்தைகளுக்கு புரியவில்லை. தந்தை அழுது அவர்கள் பார்த்தது இல்லை.பாவம். ”இவ்வாறு பதிவிட்டுள்ளார்.

மேலும் “அது கிரிக்கெட்டில் தோற்றதற்கு வரும் கண்ணீர் அல்ல. என் நாடு தோற்பதை என்னால் பார்க்க முடிய வில்லை. அதில் வரும் வலியை சொல்ல இயலாது. நெஞ்சம் உடைந்து சிதறியது.” எனவும் எக்ஸ் தளத்தில் பதிவிட்டுள்ளார்.

செல்வராகவனுக்கு பதிலடி கொடுக்கும் வகையில் இயக்குநர் அமீர், “ கண்ணீர் விட்டு அழ தோற்றது தேசம் அல்ல..கிரிக்கெட் வாரியம்தான்”என பதிவிட்டுள்ளார்.